വളർത്തുനായ കുരയ്ക്കുന്നത് എന്തിനെന്നു മനസിലാക്കാം; കാരണം അറിഞ്ഞാൽ പരിഹാരം എളുപ്പം Why Your Dog Barks: Understanding Canine Communication

പലപ്പോഴെങ്കിലും വളർത്തു നായ്ക്കൾ കുരച്ചു ബഹളം വയ്ക്കുമ്പോൾ നമുക്കു ദേഷ്യം വരാറുണ്ട്. കാരണം അറിഞ്ഞാൽ അവ പരിഹരിക്കാം. കുര അഞ്ചു തരത്തിലുണ്ട്.

1) Alert barking: വീട്ടിൽ ആരെങ്കിലും വരുമ്പോൾ അല്ലെങ്കിൽ വാതിലിൽമുട്ടുമ്പോൾ, കോളിങ് ബെൽ അടിക്കുമ്പോൾ ഒക്കെ നിങ്ങളെ ഉണർത്താൻ വേണ്ടി ചെയ്യുന്ന കുരയാണിത്.  

2) Demand barking: എന്തെങ്കിലും വ സ്തു (ഉദാ: കളിപ്പാട്ടം, ഭക്ഷണം) നമ്മളോട് ആവശ്യപ്പെടാൻ വേണ്ടി നടത്തുന്ന കുര. ഫ്ലാറ്റിലും മറ്റും വളർത്തുമ്പോൾ മലമൂത്ര വിസർജനത്തിനു പുറത്തു കൊണ്ടു പോകാൻ വേണ്ടി നടത്തുന്ന കുരയും ഈ ഗണത്തിൽപ്പെടുത്താം. 

3) Anxiety / fear barking: പേടി മനസ്സിൽ തോന്നുന്ന വസ്തുവിനെയോ ആളുകളെയോ കണ്ടു ഭയത്തോടെ കുരയ്ക്കുന്നത്. ഉദാ: ലോറി പോലെയുള്ള വലിയ വാഹനങ്ങൾ റോഡിലൂടെ പോകുമ്പോൾ ഭയപ്പെട്ടുള്ള കുര, അല്ലെങ്കിൽ മുൻപ് ഉപദ്രവിച്ച ആളിന്റെ രൂപസാദൃശ്യമുള്ള ആളുകളെ കാണുമ്പോൾ കുരയ്ക്കുന്നത്. 

4) Boredom barking: വെറുതെ ഇരുന്ന് ബോറടിക്കുന്നു, എന്റെയൊപ്പം ആരെങ്കിലും കളിക്കൂ എന്ന് ആവശ്യപ്പെടുന്ന കുര. 

5) Frustration barking: ആവശ്യമുള്ള വസ്തു കിട്ടിയില്ലെങ്കിൽ ദേഷ്യത്തോടെ നടത്തുന്ന കുര.

കടപ്പാട്: ഡോ. അബ്ദുൾ ലത്തീഫ് കെ., എംവിഎസ്ഇ ക്ലിനിക്കൽ മെഡിസിൻ, വെറ്ററിനറി സർജൻ