നാവില്‍ വെള്ളമൂറും മാമ്പഴ പുളിശ്ശേരി; കിടിലന്‍ റെസിപ്പി

1. നാടൻ മാമ്പഴം – നാല്, തൊലി കളഞ്ഞത്

വെള്ളരിക്ക – ഒരു ചെറിയ കഷണം

മഞ്ഞൾപ്പൊടി – അര ചെറിയ സ്പൂൺ

മുളകുപൊടി – ഒരു ചെറിയ സ്പൂൺ

ഉപ്പ് – പാകത്തിന്

2. തേങ്ങ – ഒന്നിന്റെ പകുതി, ചുരണ്ടിയത്

ജീരകം – അര ചെറിയ സ്പൂൺ

പച്ചമുളക് – രണ്ട്

3. തൈര് – രണ്ടു കപ്പ്, ഉടച്ചത്

4. വെളിച്ചെണ്ണ – ഒരു വലിയ സ്പൂൺ

5. ഉലുവ – ഒരു ചെറിയ സ്പൂൺ

കടുക് – അര ചെറിയ സ്പൂൺ

വറ്റൽമുളക് – മൂന്ന്

കറിവേപ്പില – ഒരു തണ്ട് 

പാകം ചെയ്യുന്ന വിധം

∙ ഒന്നാമത്തെ ചേരുവ അൽപം വെള്ളത്തിൽ  വേവിക്കുക.

∙ ഇതിലേക്ക് രണ്ടാമത്തെ ചേരുവ മയത്തിൽ അരച്ചതു ചേർത്തു വറ്റിച്ചെടുക്കണം.

∙ ഇതിൽ തൈരും ചേർത്തു ചെറുതീയിൽ വച്ച് മെല്ലേ പതഞ്ഞു വരുന്നതു വരെ ഇളക്കി വാങ്ങുക. തൈരു പിരിയരുത്.

∙ പാനിൽ വെളിച്ചെണ്ണ ചൂടാക്കി അഞ്ചാമത്തെ ചേരുവ താളിച്ചു കറിയിൽ ചേർക്കാം.

കടപ്പാട്: അനിത രവീന്ദ്രന്‍, പാലാ