രോഗങ്ങളെ പ്രതിരോധിക്കാൻ തയാറാക്കാം മുതിര രസം, ആരോഗ്യം പകരും റെസിപ്പി!

ധാരാളം ആന്റിഓക്സിഡന്റുകൾ നിറഞ്ഞ മുതിര കൊണ്ടു രസം തയാറാക്കിയാലോ. ഇതു ചോറിനൊപ്പമോ സൂപ്പായോ ഉപയോഗിക്കാം.

ചേരുവകൾ

1.മുതിര – ഒരു കപ്പ്

2.മല്ലി – ഒരു സ്പൂൺ

3.കടലപരിപ്പ് – ഒരു ടീസ്പൂൺ

4.കറിവേപ്പില – രണ്ട് തണ്ട്

5.ചുവന്ന മുളക്– 4 എണ്ണം

6.ജീരകം – ഒരു ടീസ്പൂൺ

7.കായം – ഒരു കഷണം

8.കുരുമുളക് – ഒരു ടീസ്പൂൺ

9.മഞ്ഞൾ പൊടി – കാൽ ടീസ്പൂൺ

10.തക്കാളി – ഒന്ന്

11.പുളി - ഒരു നെല്ലിക്ക വലുപ്പത്തിൽ

തയാറാക്കേണ്ട വിധം

∙മുതിര കഴുകി വൃത്തിയാക്കി വെള്ളത്തിൽ ഇട്ട് വയ്ക്കുക. കുക്കറിൽ വേവിക്കുക. നന്നായി വെന്ത് ഉടയണം.

∙കടലപ്പരിപ്പ്, ജീരകം, മല്ലി, ചുവന്ന മുളക്, കറിവേപ്പില, കുരുമുളക് എന്നിവ നന്നായി വറുത്തു പൊടിക്കുക.

∙പുളി വെള്ളത്തിൽ ഇട്ട് വയ്ക്കുക.

∙മഞ്ഞൾപൊടി, ഉപ്പ് പാകത്തിന് ചേർത്ത് പുളി തിളപ്പിക്കുക.

∙ഒരു കഷ്ണം കായം ചേർക്കുക. പുളി വേവായാൽ അതിലേക്ക് നന്നായി വെന്ത് ഉടച്ചു മുതിര ചേർക്കുക. തങ്കാളിയും ചേർക്കുക.

∙എല്ലാം നന്നായി മിക്സായാൽ രസം പൊടി ചേർക്കാം.

∙രസത്തിൽ നിന്നു കുറച്ചു വെള്ളം എടുത്ത് രസപൊടി നന്നായി മിക്സാക്കി ചേർക്കുക.

∙ഒന്ന് ചെറുതായി തിളച്ചാൽ കറിവേപ്പിലയോ മല്ലിയിലയോ ചേർക്കാം.