ആരോഗ്യം ഉറപ്പാക്കും ആറു തരം കഞ്ഞി
>> ഞവരക്കഞ്ഞി
1. ഞവര അരി – 100 ഗ്രാം
2. വെള്ളം – 500 മില്ലി
3. നെയ്യ് – 20 മില്ലി
4. ജീരകം – 10 ഗ്രാം
ചുവന്നുള്ളി – 50 ഗ്രാം
5. കല്ലുപ്പ് – പാകത്തിന്
പാകം െചയ്യുന്ന വിധം
∙ ഞവര അരി നന്നായി കഴുകുക. വെള്ളം തെളിയും വരെ കഴുകണം. വെള്ളം വാലാൻ വയ്ക്കുക.
∙ ചുവടുകട്ടിയുള്ള പാത്രത്തിൽ വെള്ളം തിളപ്പിച്ച് അതിലേക്ക് അരി ചേർത്തു മെല്ലേ ഇളക്കണം.
∙ അരി നന്നായി വെന്തു മുക്കാൽഭാഗത്തോളം വെള്ളം വറ്റും വരെ ചെറുതീയിൽ വേവിക്കുക.
∙ നെയ്യിൽ ജീരകവും ചുവന്നുള്ളിയും മൂപ്പിച്ചു കഞ്ഞിയിൽ ചേർത്തിളക്കുക.
∙ പാകത്തിനുപ്പും ചേർത്ത് ഏതാനും മിനിറ്റ് കൂടി വേവിക്കുക. ചൂടോടെ വിളമ്പാം.
>> ദാൽ പഞ്ചമേൽ കഞ്ഞി
1. പൊടിയരി – 50 ഗ്രാം
ചെറുപയർ പരിപ്പ് – 25 ഗ്രാം
മസൂർപരിപ്പ് – 25 ഗ്രാം
തുവരപ്പരിപ്പ് – 25 ഗ്രാം
കടലപ്പരിപ്പ് – 25 ഗ്രാം
ഉഴുന്ന് – 25 ഗ്രാം
നുറുക്കു ഗോതമ്പ് – 25 ഗ്രാം
2. നെയ്യ്/എണ്ണ – രണ്ട്–മൂന്നു വലിയ സ്പൂൺ
3. ജീരകം – 15 ഗ്രാം
4. വെളുത്തുള്ളി – 20 ഗ്രാം
പച്ചമുളക് – 20 ഗ്രാം
മഞ്ഞൾപ്പൊടി – 10 ഗ്രാം
5. കല്ലുപ്പ് – പാകത്തിന്
6. മല്ലിയില – 30 ഗ്രാം
പാകം െചയ്യുന്ന വിധം
∙ അരിയും പരിപ്പും വെവ്വേറെ നന്നായി കഴുകണം. പരിപ്പു വർഗങ്ങൾ 30–45 മിനിറ്റ് കുതിർത്തു വയ്ക്കണം.
∙ കഴുകിയ അരിയും കുതിർത്ത പരിപ്പുകൂട്ടും പ്രഷര് കുക്കറിലാക്കി പാകത്തിനു വെള്ളം ചേർത്ത് ഇടത്തരം തീയിൽ വയ്ക്കുക.
∙ നാല്–അഞ്ചു വിസിൽ വന്ന ശേഷം വാങ്ങിവയ്ക്കണം.
∙ പാനിൽ എണ്ണ/നെയ്യ് ചൂടാക്കി ജീരകം മൂപ്പിച്ചശേഷം നാലാമത്തെ ചേരുവ വഴറ്റുക.
∙ ഇതു കുക്കറിലുള്ള മിശ്രിതത്തിൽ ചേര്ത്തിളക്കി ചെറുതീയിൽ ഏതാനും മിനിറ്റ് വേവിച്ചു വാങ്ങണം. അടിയിൽ പിടിക്കാതെ ഇടയ്ക്കിടെ ഇളക്കണം.
∙ പാകത്തിനുപ്പു ചേർത്തിളക്കി മല്ലിയില കൊണ്ടലങ്കരിച്ചു ചൂടോടെ വിളമ്പാം.
>> ഉലുവാക്കഞ്ഞി
1. ഉലുവ – 50 ഗ്രാം
പൊടിയരി – 100 ഗ്രാം
2. വെള്ളം – 500 മില്ലി
3. നെയ്യ് – രണ്ടു വലിയ സ്പൂൺ
4. ജീരകം – 15 ഗ്രാം
5. ചുവന്നുള്ളി – 50 ഗ്രാം
6. കല്ലുപ്പ് – പാകത്തിന്
പാകം െചയ്യുന്ന വിധം
∙ അരിയും ഉലുവയും യോജിപ്പിച്ചു വെള്ളം തെളിയും വരെ കഴുകണം.
∙ ചുവടുകട്ടിയുള്ള പാത്രത്തിൽ വെള്ളം തിളപ്പിച്ച ശേഷം അരിയും ഉലുവയും ചേർത്തു ചെറുതീയിൽ വച്ചു വേവിക്കുക.
∙ അരി വെന്തു കുറുക്കു പോലെയാകണം.
∙ നെയ്യിൽ ജീരകം മൂപ്പിച്ച ശേഷം ചുവന്നുള്ളി ചേർത്തു വഴറ്റണം. ഇതു കഞ്ഞിയിൽ ചേർത്തിളക്കുക. പാകത്തിനുപ്പും ചേർത്ത് ഏതാനും മിനിറ്റ് കൂടി തിളപ്പിക്കുക.
∙ ചൂടോടെ വിളമ്പാം.
>> നുറുക്കു ഗോതമ്പ് ബാർലിക്കഞ്ഞി
1. നുറുക്കു ഗോതമ്പ് – 50 ഗ്രാം
ബാർലി – 50 ഗ്രാം
2. വെള്ളം – 500 മില്ലി
3. തേങ്ങാപ്പാൽ – 50 മില്ലി
4. കല്ലുപ്പ് – പാകത്തിന്
പാകം െചയ്യുന്ന വിധം
∙ നുറുക്കു ഗോതമ്പും ബാർലിയും തണുത്ത വെള്ളത്തിൽ നന്നായി കഴുകണം. വെള്ളം തെളിയും വരെ കഴുകുക.
∙ ചുവടുകട്ടിയുള്ള പാത്രത്തിൽ വെള്ളം തിളപ്പിച്ച് ഗോതമ്പും ബാർലിയും ചേർത്തിളക്കി ചെറുതീയിൽ വച്ചു വേവിക്കണം.
∙ ഇടയ്ക്കിടെ ഇളക്കണം. ആവശ്യമെങ്കിൽ വെള്ളം ചേർത്തു കൊടുക്കണം.
∙ നന്നായി വെന്തശേഷം തേങ്ങാപ്പാൽ ചേർത്തിളക്കി വാങ്ങുക.
∙ പാകത്തിനുപ്പു ചേർത്തിളക്കി വിളമ്പാം.
>> ബ്ലാക്ക് റൈസ്- റാഗിക്കഞ്ഞി
1. ബ്ലാക്ക് റൈസ് – 50 ഗ്രാം
2. വെള്ളം – 500 മില്ലി
3. റാഗിപ്പൊടി – 50 ഗ്രാം
4. വെള്ളം – പാകത്തിന്
5. തേങ്ങാപ്പാൽ – 50 മില്ലി
6. കല്ലുപ്പ് – പാകത്തിന്
പാകം െചയ്യുന്ന വിധം
∙ ബ്ലാക്ക് റൈസ് നന്നായി കഴുകി ഊറ്റുക.
∙ ചുവടുകട്ടിയുള്ള പാത്രത്തിൽ വെള്ളം തിളപ്പിച്ച് അതിലേക്ക് അരി ചേർത്തിളക്കുക. ചെറുതീയിൽ വച്ചു വേവിക്കണം. ഇടയ്ക്കിടെ ഇളക്കുക.
∙ മറ്റൊരു പാനിൽ വെള്ളം തിളപ്പിച്ച് അതിലേക്കു റാഗിപ്പൊടി ചേർത്തു മെല്ലേ ഇളക്കി നന്നായി യോജിപ്പിക്കുക. കട്ടകെട്ടാതെ ശ്രദ്ധിക്കണം. ഒന്ന് – രണ്ടു മിനിറ്റ് വേവിക്കണം.
∙ വെന്ത റാഗിക്കുറുക്ക് അരി വേവുന്നതിൽ ചേർത്തിളക്കുക.
∙ തേങ്ങാപ്പാലും പാകത്തിനുപ്പും ചേർത്തിളക്കി വാങ്ങി ചൂടോടെ വിളമ്പാം.
>> പാൽക്കഞ്ഞി
1. പൊടിയരി – 100 ഗ്രാം
2. വെള്ളം – 500 മില്ലി
3. തേങ്ങാപ്പാൽ – 50 മില്ലി
4. കല്ലുപ്പ് – പാകത്തിന്
പാകം െചയ്യുന്ന വിധം
∙ അരി വെള്ളം തെളിയും വരെ നന്നായി കഴുകി ഊറ്റുക.
∙ ചുവടുകട്ടിയുള്ള പാത്രത്തിൽ വെള്ളം തിളപ്പിച്ച ശേഷം അരി ചേർത്തു വേവിക്കുക.
∙ നന്നായി വെന്തശേഷം തേങ്ങാപ്പാൽ അൽപം വീതം ചേർത്തു നന്നായി ഇളക്കി യോജിപ്പിക്കുക.
∙ കഞ്ഞി എത്രത്തോളം കുറുകിയോ നീട്ടിയോ എടുക്കണം എന്നതനുസരിച്ച് ആവശ്യാനുസരണം തേങ്ങാപ്പാൽ ചേർക്കാം.
∙ ചൂടോടെ വിളമ്പാം.
പാചകക്കുറിപ്പുകള്ക്കും ഫോട്ടോയ്ക്കു വേണ്ടി വിഭവങ്ങൾ തയാറാക്കിയതിനും കടപ്പാട്: ഷെഫ് അരുൺ രാമുണ്ണി നായർ, കോഴിക്കോട്