ബോളിവുഡ് നടന്‍ സുശാന്ത് സിങ് രാജ്പുതിന്റെ ആത്മഹത്യ അദ്ദേഹത്തിന്റെ ആരാധകരെയും സിനിമാ പ്രേമികളെയും ആഴത്തില്‍ മുറിവേല്‍പ്പിച്ചു. അദ്ദേഹത്തിന്റെ വിയോഗത്തിനു ദിവസങ്ങള്‍ക്കു ശേഷവും സോഷ്യല്‍ മീഡിയയില്‍ സുശാന്തിനെക്കുറിച്ചുള്ള ചര്‍ച്ചകളും അദ്ദേഹത്തിന്റെ വിഡിയോകളും ചിത്രങ്ങളുമൊക്കെ വൈറല്‍ ആണ്.
ഇപ്പോഴിതാ, മലയാളത്തിന്റെ പ്രിയ നടിയും നര്‍ത്തകിയുമായ സുബ്ബലക്ഷ്മിയോടൊപ്പം സുശാന്ത് നൃത്തം ചെയ്യുന്ന വിഡിയോ സോഷ്യല്‍ മീഡിയ ഏറ്റെടുത്തിരിക്കുന്നു. സുബ്ബലക്ഷ്മിയുടെ ചെറുമകളും നടി താരാകല്യാണിന്റെ മകളുമായ സൗഭാഗ്യ വെങ്കിടേഷാണ് ഈ വിഡിയോ ഇന്‍സ്റ്റഗ്രാമില്‍ പോസ്റ്റ് ചെയ്തിരിക്കുന്നത്.
അമ്മമ്മയും സുശാന്തും. രണ്ടു പേരും മൊത്തം പോസിറ്റിവിറ്റിയോടെ എന്ന കുറിപ്പോടെയാണ് വിഡിയോ പങ്കുവച്ചിരിക്കുന്നത്.
