മുഖത്തെ മൃതകോശങ്ങളെ അകറ്റാൻ പഞ്ചസാര പോലെ ചെലവ് കുറഞ്ഞ മറ്റൊരു മാർഗമില്ല. പഞ്ചസാര ചെറിയ തരികളാക്കി മുഖത്ത് സാവധാനം സ്ക്രബ് ചെയ്താൽ തന്നെ ചര്‍മത്തിന് തിളക്കവും മൃദുത്വവും ലഭിക്കും.
പഞ്ചസാര കൊണ്ടുള്ള ബ്യൂട്ടി ടിപ്സ് ഇതാ..
∙ മുഖത്തിനു ഉണർവും ഉന്മേഷവും നൽകാൻ ഒരു ടീസ്‌പൂൺ പഞ്ചസാരയും 2 ടേബിൾസ്‌പൂൺ ഫേഷ്യൽ ക്ലെൻസറും അൽപം തേനും ചേർത്ത് മുഖത്തിടാം.
∙ പഞ്ചസാരയും നാരങ്ങാനീരും വെള്ളവും ചേർത്തു ചൂടാക്കിയാൽ ഷുഗർ വാക്‌സ് റെഡി.
∙ ഒരു കപ്പ് പഞ്ചസാരയും പഞ്ചസാര അലിയാൻ ആവശ്യത്തിന് ഒലീവ് ഓയിലും ഒരു നാരങ്ങായുടെ നീരും ചേർത്തു ശരീരം മുഴുവൻ പുരട്ടി 5 മിനിറ്റിനുശേഷം കുളിക്കാം. ശരീരത്തിനു തിളക്കം ലഭിക്കും.
∙ പഞ്ചസാരയും നാരങ്ങാനീരും ചേർത്തു കൈമുട്ടിലും കാൽമുട്ടിലും പുരട്ടിയാൽ കറുപ്പുനിറം മാറിക്കിട്ടും. പഞ്ചസാരയും ആൽമണ്ട് ഓയിലും ചേർത്തു ചുണ്ടുകളിൽ സ്ക്രബ് ചെയ്താൽ മൃതകോശങ്ങൾ അകന്നു ചുണ്ടിലെ കറുപ്പുനിറം മാറിക്കിട്ടും.
