പാചകപ്പോരാട്ടത്തിന്റെ മലബാർ പെരുമ! ജസീമയും സുനന്ദയും സുഗിലയും സോൺ ഒന്നിൽ വിജയികൾ
Vanitha Chef of Kerala 2026: Jasheema, Sunanda, and Sugila Advance to Finals
കേരളത്തിലെ ഒന്നാം നമ്പർ ഷെഫിനെ കണ്ടെത്താനുള്ള ‘ഈസ്റ്റേൺ വനിത ഷെഫ് ഓഫ് കേരള2026’ മത്സരത്തിന്റെ സോൺ ഒന്നിലെ സെമിഫൈനലിൽ ജസീമ മുബഷീർ (കോഴിക്കോട്), സുനന്ദ സുനിൽ (കോഴിക്കോട്), സുഗില കെ. (കണ്ണൂർ) എന്നിവർ വിജയികളായി.. മൂവരും ഫൈനലിലേക്കു യോഗ്യത നേടി. സംസ്ഥാന കൃഷിവകുപ്പ് മന്ത്രി ടി.സിദ്ദിഖായിരുന്നു വിശിഷ്ടാതിഥി. വിജയികൾക്കുള്ള സമ്മാനദാനം മന്ത്രി നിർവഹിച്ചു.
ഇന്ന് ഉച്ച കഴിഞ്ഞ് കോഴിക്കോട് ലുലു മാളിൽ വച്ചായിരുന്നു മത്സരം. ആയിരക്കണക്കിന് എൻട്രികളിൽ നിന്നു തിരഞ്ഞെടുക്കപ്പെട്ട15പേരാണ് സെമിഫൈനലിൽ മത്സരിച്ചത്. ഹോസ്‌പിറ്റാലിറ്റി രംഗത്തെ പ്രശസ്‌തരായ റാവിസ് കടവിൽ എക്സിക്യൂട്ടീവ് സൂസ് ഷെഫ് പി.പ്രജിത്, തനത് രുചികളെ നൂതനമായ ശൈലിയിൽ അവതരിപ്പിച്ച് ഭക്ഷണപ്രേമികളുടെ മനംകവർന്ന സസ്യ ബൈ ഷെഫ് പിള്ള എക്സിക്യൂട്ടീവ് ഷെഫ് കമലാഹാസൻ, ഈസ്റ്റേൺ എക്സിക്യൂട്ടീവ് ഷെഫ് വിഷ്ണു വി നായർ എന്നിവരായിരുന്നു വിധികർത്താക്കൾ.
ADVERTISEMENT
ഈസ്റ്റേൺ മാർക്കറ്റിങ് വിഭാഗത്തിൽ ജനറൽ മാനേജർമാരായ വരുൺ ശശിധരൻ, നന്ദു മോഹൻ എന്നിവരും കോഴിക്കോട് ലുലു മാൾ റീജിണൽ ഡയറക്ടർ മുഹമ്മദ്‌ ഷെരീഫ് മാട്ടിൽ, വനിത സിഇഒ വി. സജീവ് ജോർജ്, മലയാള മനോരമ കോഴിക്കോട് സീനിയർ കോ ഓർഡിനേറ്റിങ് എഡിറ്റർ അനിൽ രാധാകൃഷ്ണൻ, മാർക്കറ്റിങ് വിഭാഗം ജനറൽ മാനേജർ ആർ. ബിനോയ്‌ എന്നിവരും പങ്കെടുത്തു.
2 മണിക്കൂർ നീണ്ട മത്സരത്തെ രാജ് കലേഷ്, ശ്രുതി എടശ്ശേരിപറമ്പിൽ, പ്രശസ്ത ഫുഡ്‌ ക്രിട്ടിക്കും വ്ലോഗ്റുമായ എബിൻ ജോസ് എന്നിവർ നയിച്ചു. പരിപാടി ജനകീയപങ്കാളിത്തത്താൽ ശ്രദ്ധേയമായി
ADVERTISEMENT
Vanitha Chef of Kerala 2026: Jasheema, Sunanda, and Sugila Advance to Finals:
Eastern Vanitha Chef of Kerala 2026 competition's Zone 1 semi-finals saw Jasheema Mubashir (Kozhikode), Sunanda Sunil (Kozhikode), and Sugila K. (Kannur) emerge as winners, securing their spots in the grand finale. The event, held at Kozhikode Lulu Mall, featured 15 semi-finalists chosen from thousands of entries. Esteemed chefs Chef Prajith and Chef Kamalhasan Velu served as judges. Kerala's Minister for Agriculture, T.Siddique, was the chief guest and presented the prizes, with Raj Kalash hosting the popular event.
