സ്ത്രീകളുടെ സ്വകാര്യ ആരോഗ്യവും സൗന്ദര്യവും; പുതിയ സാധ്യതകളുമായി കോസ്മെറ്റിക് ഗൈനക്കോളജി Cosmetic Gynecology: Transforming Women's Intimate Health
സത്രീകളുടെ പ്രജനനവ്യവസ്ഥയെ പുനരുജ്ജീവിപ്പിക്കാൻ ലക്ഷ്യമിടുന്ന, അതിവേഗം വളർന്നുവരുന്ന വൈദ്യശാഖയാണ് കോസ്മെറ്റിക് ഗൈനക്കോളജി. ഇത് സ്ത്രീകളുടെ സ്വകാര്യഭാഗങ്ങളുടെ സൗന്ദര്യപരമായ വശങ്ങൾ മെച്ചപ്പെടുത്തുന്നതിൽ മാത്രം ഒതുങ്ങുന്നില്ല. യോനിയിലെ അയവ്, മൂത്രചോർച്ച, ലൈംഗിക പ്രവർത്തനത്തിലെ പ്രശ്നങ്ങൾ തുടങ്ങിയ നിരവധി ആരോഗ്യപ്രശ്നങ്ങൾക്ക് ഫലപ്രദമായ, ശസ്ത്രക്രിയ ആവശ്യമില്ലാത്ത പരിഹാര മാർഗങ്ങൾ ഇത് നൽകുന്നു. കോസ്മെറ്റിക് ഗൈനക്കോളജി രംഗത്ത് പ്രത്യേക പരിശീലനവും അന്താരാഷ്ട്ര തലത്തിലുള്ള പരിചയസമ്പത്തുമുള്ള ഡോ. പ്രീതി കോര പെരുമാലിൽ ചികിത്സകളെക്കുറിച്ചുള്ള അറിവുകൾ പങ്കുവെക്കുന്നു.
എന്താണ് കോസ്മെറ്റിക് ഗൈനക്കോളജി ?
പ്രായം കൂടുന്നതിനനുസരിച്ച് ഉണ്ടാകുന്ന ഹോർമോൺ വ്യതിയാനങ്ങൾ സ്ത്രീകളുടെ ജീവിതനിലവാരത്തെ ഗണ്യമായി ബാധിക്കുന്ന ആരോഗ്യപ്രശ്നങ്ങൾക്ക് കാരണമാകാറുണ്ട്. ഈസ്ട്രജനും പ്രോജസ്റ്ററോണും ശരീരത്തിന്റെ പ്രവർത്തനങ്ങളെ ചാക്രികമായി നിയന്ത്രിക്കുന്നതിൽ പരസ്പരം സഹകരിക്കുന്ന ഹോർമോണുകളാണ്. സ്ത്രീക്ക് മെനോപോസ് ഉണ്ടാകുമ്പോഴോ, അല്ലെങ്കിൽ ശസ്ത്രക്രിയയിലൂടെ ഗർഭപാത്രം നീക്കം ചെയ്ത ശേഷമോ, ഈ ഹോർമോണുകളുടെ അളവ് കുറയുന്നു. പ്രത്യേകിച്ച് മെനോപോസിന് ശേഷം ഈസ്ട്രജന്റെ അളവ് കുറയുന്നത് യോനിയിലെ ടിഷ്യൂകൾ നേർത്തതാകാനും അവയുടെ ഇലാസ്റ്റിസിറ്റി കുറയാനും കാരണമാകുന്നു. മെനോപോസിനോടനുബന്ധിച്ച് സാധാരണയായി കാണുന്ന പ്രശ്നങ്ങളിൽ മൂത്രം അറിയാതെ പോകുക, യോനിയിലെ വരൾച്ച, ആവർത്തിച്ചുള്ള മൂത്രാശയ അണുബാധ, സ്വകാര്യഭാഗത്ത് വേദനയും അസ്വസ്ഥതയും, ലൈംഗിക താൽപര്യം കുറയുക, ലൈംഗികബന്ധത്തിനിടെ വേദന, ചൊറിച്ചിൽ, പെൽവിക് ഇൻഫെക്ഷനുകൾ, യോനി പുറത്തേക്ക് തള്ളിവരിക (vaginal prolapse), യോനിയിലെ അയവ് എന്നിവ ഉൾപ്പെടുന്നു.
പരമ്പരാഗതമായി ഇത്തരം പ്രശ്നങ്ങൾക്ക് കീഗൽ വ്യായാമങ്ങളിലൂടെ പെൽവിക് ഫ്ലോർ മസിലുകൾ ശക്തിപ്പെടുത്തുന്നതോ ശസ്ത്രക്രിയയോ ആണ് ചികിത്സയായി നൽകിയിരുന്നത്. എന്നാൽ ഇന്ന് കൂടുതൽ ആധുനികമായ ചികിത്സാമാർഗങ്ങൾ ലഭ്യമാണ്. Jett Plasma Therapy, Laser Therapy & Magnetic Therapy തുടങ്ങിയ എനർജി അധിഷ്ഠിത സാങ്കേതികവിദ്യകൾ യോനിയിലെ കോശഘടനയെ പുനഃസംഘടിപ്പിക്കാനും പുതുക്കാനും സഹായിക്കുന്നു.
ഇത്തരം ചികിത്സകൾ വൈദഗ്ധ്യത്തോടെ ചെയ്യുന്ന വിഭാഗമാണ് കോസ്മെറ്റിക് ഗൈനക്കോളജി. ഡോ. പ്രീതി കോര പെരുമാലിൽ നേതൃത്വം നൽകുന്ന ഏറ്റുമാനൂരിലെ വിമല ഹോസ്പിറ്റൽ കേരളത്തിലെ കോസ്മെറ്റിക് ഗൈനക്കോളജിക്കായുള്ള ഏറ്റവും മികച്ചതും ആധുനികവുമായ സ്ഥാപനങ്ങളിലൊന്നായി മാറിയിരിക്കുന്നു. സുരക്ഷിതവും കരുതലോടെയുമുള്ള അന്തരീക്ഷത്തിൽ ലോകോത്തര ചികിത്സയാണ് ഇവിടെ സ്ത്രീകൾക്ക് ലഭ്യമാക്കുന്നത്.
പ്രധാന ചികിത്സകൾ എന്തൊക്കെയാണ് ?
∙ Jett Plasma Therapy – പുതിയ കൊളാജൻ രൂപീകരണത്തെ ഉത്തേജിപ്പിക്കുകയും യോനിയിലെ ടിഷ്യൂകളുടെ പുനരുജ്ജീവിപ്പിക്കുകയും പ്രവർത്തനം വീണ്ടെടുക്കുകയും ചെയ്യുന്നു. ഇത് യോനിയുടെ അയവ് മൂലമുണ്ടാകുന്ന ലൈംഗിക ജീവിത പ്രശ്നങ്ങൾ പരിഹരിക്കുന്നു. ഈ ചികിത്സ വേദന കുറഞ്ഞതും അനസ്തേഷ്യയോ ശസ്ത്രക്രിയയോ ആവശ്യമില്ലാത്തതും ആശുപത്രിയിൽ പ്രവേശിപ്പിക്കേണ്ടതില്ലാത്തതുമാണ്. യോനിയിലെ വരൾച്ചയ്ക്കുള്ള പരമ്പരാഗത ചികിത്സകളിൽ കുറഞ്ഞ അളവിലുള്ള ഈസ്ട്രജൻ ക്രീമുകൾ, വജൈനൽ റിങ്ങുകൾ, ലൂബ്രിക്കേറ്റിങ് ജെല്ലുകൾ അല്ലെങ്കിൽ ക്രീമുകൾ എന്നിവ ഉൾപ്പെടുന്നു. ഇവ ആശ്വാസം നൽകുമെങ്കിലും, പ്രശ്നത്തിന്റെ അടിസ്ഥാന കാരണത്തെ മാറ്റുന്നില്ല. Jett Plasma Therapy യോനിയിലെ വരൾച്ചയ്ക്കുള്ള ഫലപ്രദവും സുരക്ഷിതവുമായ ചികിത്സാരീതിയായി ഉയർന്നുവന്നിട്ടുണ്ട്. യോനിയിലെ കോശഘടനയെ മുറുക്കുകയും പുനഃസംഘടിപ്പിക്കുകയും പുതിയ കൊളാജൻ രൂപീകരണത്തെ ഉത്തേജിപ്പിക്കുകയും ചെയ്യുന്നതിലൂടെ ടിഷ്യൂകളുടെ സ്വാഭാവികമായ ലൂബ്രിക്കേഷൻ ശേഷി വീണ്ടെടുക്കാൻ സഹായിക്കുന്നു.
∙ Functional Magnetic Stimulation – പെൽവിക് ഫ്ലോർ മസിലുകളെ ശക്തിപ്പെടുത്തുന്നതിനായി മാഗ്നെറ്റിക് ഫീൽഡ് ഉള്ള കസേരയിലിരുത്തിയുള്ള ചികിത്സയാണിത്. വസ്ത്രങ്ങൾ ധരിച്ചു കൊണ്ടു തന്നെ ചികിത്സ ചെയ്യാം. മൂത്രചോർച്ചയ്ക്ക് മാത്രമല്ല, യോനിയിലെ അയവ്, യോനി പുറത്തേക്ക് തള്ളിവരിക, ലൈംഗിക പ്രവർത്തനത്തിലെ പ്രശ്നങ്ങൾ, വിട്ടുമാറാത്ത നടുവേദന, വയറിലെ മസിലുകൾ വേർപെടുന്ന അവസ്ഥ (Diastasis) തുടങ്ങിയ പ്രശ്നങ്ങൾക്ക് ഇത് ഫലപ്രദമാണ്.
ഏതു പ്രായത്തിലുള്ളവർക്കാണ് ചികിത്സ ഫലപ്രദം ?
Jett Plasma Therapy, Magnetic Therapy തുടങ്ങിയ എനർജി അധിഷ്ഠിത ചികിത്സകൾ എല്ലാ പ്രായത്തിലുമുള്ള സ്ത്രീകളിൽ ഫലപ്രദമാണ്. ശസ്ത്രക്രിയയ്ക്ക് പകരം സുരക്ഷിതമായ, ഡേ-കെയർ അടിസ്ഥാനത്തിൽ ചെയ്യാവുന്ന ചികിത്സാമാർഗങ്ങൾ ഇവ നൽകുന്നു. ലൈംഗികവും സ്വകാര്യവുമായ ആരോഗ്യം ഒരു സ്ത്രീയുടെ സമഗ്രമായ ക്ഷേമത്തിന്റെ അവിഭാജ്യ ഘടകമാണെന്ന് തിരിച്ചറിയേണ്ടത് പ്രധാനമാണ്.
ഡോ. പ്രീതി കോര പെരുമാലിൽ
ഡോ. പ്രീതി കോര പെരുമാലിൽ പ്രമുഖ കൺസൾട്ടന്റ് ഗൈനക്കോളജിസ്റ്റും വിമല ഹോസ്പിറ്റൽ, ഏറ്റുമാനൂരിന്റെ ഡയറക്ടറുമാണ്. കേരളത്തിൽ ആദ്യമായി സമർപ്പിതമായ കോസ്മെറ്റിക് ഗൈനക്കോളജി ക്ലിനിക്ക് സ്ഥാപിച്ചുകൊണ്ട് ഈ മേഖലയെ കേരളത്തിൽ അവതരിപ്പിച്ച മുൻഗാമിയായി അവർ വ്യാപകമായി അംഗീകരിക്കപ്പെടുന്നു. ഇന്ത്യയിലും യുകെയിലുമായി നേടിയ വിപുലമായ ക്ലിനിക്കൽ പരിചയത്തിന്റെ പിൻബലത്തിൽ, സ്ത്രീകളുടെ സ്വകാര്യ ആരോഗ്യവുമായി ബന്ധപ്പെട്ട ആധുനികവും ശാസ്ത്രീയ തെളിവുകളുടെ അടിസ്ഥാനത്തിലുള്ളതുമായ, കുറഞ്ഞ ഇടപെടൽ ആവശ്യമായ ചികിത്സകൾ കേരളത്തിൽ ലഭ്യമാക്കുന്നതിൽ ഡോ. പ്രീതി നിർണായക പങ്കുവഹിച്ചിട്ടുണ്ട്.
ഡോ. പ്രീതി കോര, കൺസൾട്ടന്റ് ഗൈനക്കോളജിസ്റ്റ്, ഡയറക്ടർ വിമല ഹെൽത്ത് കെയർ, & ലണ്ടൻ എസ്തറ്റിക് ഗൈനക്കോളജി സെന്റർ, ഏറ്റുമാനൂർ.
LONDON COSMETIC GYNAECOLOGY CENTER, VIMALA HOSPITAL, ETTUMANOOR, REVIVE AESTHETICS KAKKANAD REVIVE.
ബുക്കിങ്ങിനായി ബന്ധപ്പെടുക: 7034553548, 8089909046, 0481-2535354. vimalahospital.etmr@gmail.com | www.jeevandiabetes.com