പിടിക്കൊപ്പം വിളമ്പാന് നല്ല ചൂടുള്ള വറുത്തരച്ച കോഴിക്കറി ആയാലോ? ഗംഭീര രുചിയില് തയാറാക്കാന് സൂപ്പര് റെസിപ്പി ഇതാ..
> വറുത്തരച്ച കോഴിക്കറി
1. ചിക്കൻ കഷണങ്ങളാക്കിയത് – ഒന്നരക്കിലോ
2. വെളിച്ചെണ്ണ – മൂന്നു വലിയ സ്പൂൺ
3. തേങ്ങ – ഒന്നിന്റെ പകുതി, ചുരണ്ടിയത്
4. ചുവന്നുള്ളി – രണ്ട്
5. മല്ലിപ്പൊടി – ഒരു വലിയ സ്പൂണ്
മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
6. പെരുംജീരകം – ഒരു ചെറിയ സ്പൂൺ
7. സവാള – നാല്, അരിഞ്ഞത്
ഇഞ്ചി–വെളുത്തുള്ളി അരച്ചത് – ഒന്നര വലിയ സ്പൂൺ
പച്ചമുളക് – ഒന്ന്, അറ്റം പിളർന്നത്
കറിവേപ്പില – മൂന്നു തണ്ട്
8. മല്ലിപ്പൊടി – രണ്ടു വലിയ സ്പൂണ്
മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
9. തക്കാളി – മൂന്ന്, അരിഞ്ഞത്
10. കുരുമുളകുപൊടി – ഒരു ചെറിയ സ്പൂൺ
പാകം െചയ്യുന്ന വിധം
∙ ചിക്കൻ വൃത്തിയാക്കി വയ്ക്കണം.
∙ അൽപം വെളിച്ചെണ്ണയിൽ തേങ്ങ ചുരണ്ടിയതും ചുവന്നുള്ളിയും ചേർത്തു ചെറുതീയിൽ വച്ചു വറുത്തു ബ്രൗൺനിറത്തില് വറുത്തെടുക്കണം. തീ അണച്ച ശേഷം അഞ്ചാമത്തെ ചേരുവ ചേർത്തിളക്കുക. ചൂടാറിയ ശേഷം വെള്ളം ചേർക്കാതെ മയത്തിൽ അരച്ചെടുക്കണം.
∙ ബാക്കി വെളിച്ചെണ്ണ ചൂടാക്കി പെരുംജീരകം മൂപ്പിച്ച ശേഷം ഏഴാമത്തെ ചേരുവ ചേർത്തു വഴറ്റണം.
∙ സവാള മൂത്തു വരുമ്പോൾ എട്ടാമത്തെ ചേരുവ ചേർത്തിളക്കി മസാല മൂത്ത മണം വരുമ്പോൾ തക്കാളി ചേർത്തു നന്നായി വഴറ്റണം.
∙ എണ്ണ തെളിയുമ്പോൾ ചിക്കൻ ചേർത്തിളക്കി നന്നായി പുരണ്ടിരിക്കുന്ന പാകമാകുമ്പോൾ വറുത്തരച്ച തേങ്ങയും ചേർത്തിളക്കി തിളയ്ക്കുമ്പോൾ വാങ്ങി പിടിക്കൊപ്പം വിളമ്പാം.
തയാറാക്കിയത് : മെർലി എം. എൽദോ, ഫോട്ടോ : വിഷ്ണു നാരായണൻ. പാചകക്കുറിപ്പുകള്ക്കും ഫോട്ടയ്ക്കു വേണ്ടി വിഭവങ്ങള് തയാറാക്കിയതിനും കടപ്പാട്: ഷെർലി സി. മാത്യു, അമ്മനാസ് കിച്ചൻ, ആലുവ