ചെറുയാത്രയ്ക്കൊരുങ്ങുമ്പോൾ വീട്ടിൽ തയാറാക്കി പായ്ക്ക് ചെയ്യാം രുചികരമായ ചിക്കൻ മയോ പാറ്റീസ്. ടേസ്റ്റി റെസിപ്പി ഇതാ..
ചിക്കൻ മയോ പാറ്റീസ്
1. എണ്ണ – രണ്ടു വലിയ സ്പൂൺ
2. ചിക്കൻ മിൻസ് – 700 ഗ്രാം
ഉപ്പ് – പാകത്തിന്
3. വറ്റൽമുളകു ചതച്ചത് – ഒരു വലിയ സ്പൂൺ
കുരുമുളകുപൊടി – ഒരു െചറിയ സ്പൂൺ
ചില്ലിസോസ് – ഒരു വലിയ സ്പൂൺ
സോയാസോസ് – ഒരു വലിയ സ്പൂൺ
പച്ചമുളക് അരിഞ്ഞത് – ഒന്നര വലിയ സ്പൂൺ
4. സവാള പൊടിയായി അരിഞ്ഞത് – അരക്കപ്പ്
സ്പ്രിങ് അണിയൻ അരിഞ്ഞത് – അരക്കപ്പ്
കാപ്സിക്കം പൊടിയായി അരിഞ്ഞത് – ഒരു കപ്പ്
5. മയണീസ് – അരക്കപ്പ്
ക്രീം – ഒരു കപ്പ്
6. ബ്രെഡ് സ്ലൈസ് – എട്ട്
7. മുട്ട – ഒന്ന്
8. റൊട്ടിപ്പൊടി – പാകത്തിന്
9. എണ്ണ – വറുക്കാൻ ആവശ്യത്തിന്
പാകം െചയ്യുന്ന വിധം
∙ ഒരു പാനിൽ എണ്ണ ചൂടാക്കി ചിക്കൻ മിൻസും ഉപ്പും ചേർത്ത് അഞ്ചു മിനിറ്റ് വഴറ്റി വേവിക്കണം.
∙ നിറം മാറുമ്പോൾ വറ്റൽമുളകും കുരുമുളകുപൊടിയും ചില്ലി സോസും സോയാസോസും പച്ചമുളകും ചേർത്ത് ഒന്ന്–രണ്ടു മിനിറ്റ് വഴറ്റുക.
∙ ഇതിലേക്കു സവാളയും സ്പ്രിങ് അണിയനും കാപ്സിക്കവും ചേർത്തു വഴറ്റി മൂന്ന്–നാലു മിനിറ്റ് വേവിക്കണം.
∙ മയണീസും ക്രീമും ചേർത്തിളക്കി വീണ്ടും നാലു മിനിറ്റ് വേവിച്ചു വാങ്ങുക. ഇതാണ് ഫില്ലിങ്.
∙ ബ്രെഡ് സ്ലൈസുകളുടെ നാലരികും മുറിച്ചു മാറ്റി, ഓരോ സ്ലൈസും ഒന്നു പരത്തണം.
∙ ഇതിൽ ഫില്ലിങ് വച്ച് അതിനു മുകളിൽ അടുത്ത സ്ലൈസ് ബ്രെഡ് പരത്തിയതു വച്ച് അവയുടെ അരിക് ഒട്ടിക്കണം.
∙ മുട്ട അടിച്ചതിൽ മുക്കി, റൊട്ടിപ്പൊടിയിൽ പൊ തിഞ്ഞു ചൂടായ എണ്ണയിൽ വറുത്തു കോരുക.
പാചകക്കുറിപ്പുകൾക്കു കടപ്പാട്: മഞ്ജു മാത്യു, മുംബൈ. ഫോട്ടോയ്ക്കു വേണ്ടി വിഭവങ്ങൾ തയാറാക്കിയതിനു കടപ്പാട്: പി. കെ. രഘുനാഥ്, മലയാള മനോരമ, കൊച്ചി