ചൂട് ചോറിനൊപ്പം കഴിക്കാൻ ഇതിലും മികച്ചൊരു കൂട്ടുകാരനില്ല. മൺചട്ടിയിൽ തലേദിവസം വെച്ച് പിറ്റേന്ന് രാവിലെ എടുക്കുമ്പോൾ മീനിൽ പുളിയും എരിവും ഒക്കെ പിടിച്ച് പാകമായിട്ടുണ്ടാകും.
ആവശ്യമായ ചേരുവകൾ
മീൻ: 500 ഗ്രാം
കുടമ്പുളി: 3-4 കഷ്ണം (ചൂടുവെള്ളത്തിൽ കുതിർത്തത്)
ഇഞ്ചി: 1 ടേബിൾസ്പൂൺ (നീളത്തിൽ അരിഞ്ഞത്)
വെളുത്തുള്ളി: 5-6 അല്ലി (ചതച്ചതോ അരിഞ്ഞതോ)
പച്ചമുളക്: 3-4 എണ്ണം (കീറിയത്)
മുളകുപൊടി: 2-3 ടേബിൾസ്പൂൺ
മഞ്ഞൾപ്പൊടി: 1/4 ടീസ്പൂൺ
ഉലുവാപ്പൊടി: ഒരു നുള്ള്
വെളിച്ചെണ്ണ: 3-4 ടേബിൾസ്പൂൺ
കറിവേപ്പില: ആവശ്യത്തിന്
ഉപ്പ്: ആവശ്യത്തിന്
വെള്ളം: ആവശ്യത്തിന്
പാകം ചെയ്യുന്ന വിധം
. ചട്ടി ചൂടായ ശേഷം വെളിച്ചെണ്ണ ഒഴിക്കുക.
. വെളിച്ചെണ്ണ ചൂടായ ശേഷം ചെറുതായി അരിഞ്ഞ വെളുത്തുള്ളി, ഇഞ്ചി, കീറിയ പച്ചമുളക്, കറിവേപ്പില എന്നിവ ചേർത്ത് നന്നായി വഴറ്റുക.
. തീ കുറച്ചുവെച്ച ശേഷം മഞ്ഞൾപ്പൊടിയും മുളകുപൊടിയും ചേർത്ത്, പൊടിയുടെ പച്ചമണം മാറുന്നതുവരെ എണ്ണയിൽ ചെറുതായി വഴറ്റുക.
. ഇതിലേക്ക് ചൂടുവെള്ളത്തിൽ കുതിർത്തു വെച്ചിരിക്കുന്ന കുടമ്പുളിയും ആവശ്യത്തിന് ഉപ്പും ഒരു കപ്പ് വെള്ളവും ചേർത്ത് നന്നായി ഇളക്കി തിളപ്പിക്കുക.
. ഗ്രേവി നന്നായി തിളച്ചുവരുമ്പോൾ വൃത്തിയാക്കി വെച്ചിരിക്കുന്ന മീൻ കഷ്ണങ്ങൾ ഇതിലേക്ക് ചേർക്കുക.
. ചട്ടി അടച്ചുവെച്ച് മീഡിയം തീയിൽ 15-20 മിനിറ്റ് വേവിക്കുക.
. ഗ്രേവി ആവശ്യത്തിന് കുറുകി വരുമ്പോൾ, ഒരു നുള്ള് ഉലുവാപ്പൊടിയും അല്പം പച്ച വെളിച്ചെണ്ണയും കുറച്ച് കറിവേപ്പിലയും മീനിന് മുകളിലായി തൂകി തീ ഓഫ് ചെയ്യുക.