മലയാളികള്‍ക്ക് ഏറെ പ്രിയമാണ് മത്തി. പൊരിച്ചും കറി വച്ചുമെല്ലാം കഴിക്കുന്ന മത്തി കൊണ്ട് വ്യത്യസ്ത രുചിയിലുള്ള ഒരു വിഭവം ആയാലോ ഇത്തവണ? മത്തി അടുക്കി വറ്റിച്ചത് തയാറാക്കുന്ന വിധം അറിയാം.
മത്തി അടുക്കി വറ്റിച്ചത്
1. മത്തി – അരക്കിലോ
2. ഉണക്കമല്ലി – രണ്ടു വലിയ സ്പൂൺ
വറ്റൽ മുളക് – 16
ഉലുവ മൂപ്പിച്ചത് – ഒരു ചെറിയ സ്പൂൺ
കുരുമുളക് – ആറ്
മഞ്ഞൾ – അര ചെറിയ സ്പൂൺ
3. ചുവന്നുള്ളി – മൂന്നു വലിയ സ്പൂൺ, കനം കുറച്ചരിഞ്ഞത്
വെളുത്തുള്ളി – രണ്ടു ചെറിയ സ്പൂൺ, നീളത്തിൽ രണ്ടാക്കിയത്
ഇഞ്ചി – രണ്ടു ചെറിയ സ്പൂൺ, നീളത്തിൽ അരിഞ്ഞത്
കുടംപുളി – നാല്
കറിവേപ്പില – ഒരു പിടി
4. വെളിച്ചെണ്ണ – ഒരു വലിയ സ്പൂൺ
5. വെള്ളം – ഒരു കപ്പ്
ഉപ്പ് – ആവശ്യത്തിന്
പാകം െചയ്യുന്ന വിധം
∙ മത്തി വൃത്തിയാക്കി വരഞ്ഞു വയ്ക്കുക.
∙ രണ്ടാമത്തെ ചേരുവ തരുതരുപ്പായി പൊടിക്കണം. ഇതിലേക്കു മൂന്നാമത്തെ ചേരുവ ചേർത്തു യോജിപ്പിച്ചു മാറ്റിവയ്ക്കുക.
∙ ഒരു പാനിൽ എണ്ണയൊഴിച്ചു കുറച്ചു മത്തി നിരപ്പായി അടുക്കുക. ഇതിനു മീതെ കുറച്ചു മസാല ഇടണം.
∙ ഇതേ രീതിയിൽ ശേഷിച്ച മത്തിയും മസാലയും ഒന്നിടവിട്ട് ഇടുക. ഏറ്റവും മുകളിൽ മസാല നിരത്തണം. ഇ തിലേക്ക് ഒരു കപ്പ് വെള്ളം ചേർക്കുക.
∙ തിളയ്ക്കുമ്പോൾ ഉപ്പു ചേർത്തു യോജിപ്പിച്ചു ചെറുതീയിലാക്കി വേവിക്കുക. ചാറു കുറുകി മസാല നന്നായി മീനിൽ പൊതിഞ്ഞ പരുവമാകുമ്പോൾ വാങ്ങാം.
ഫോട്ടോ: ശ്രീകാന്ത് കളരിക്കൽ, ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയത്: ജേക്കബ് മാണി, മലയാള മനോരമ, കോട്ടയം