ഇത്തവണത്തെ ദീപാവലി പൊടിപൊടിക്കട്ടേ.. ബേക്കറിയിൽ കിട്ടുന്നതിനേക്കാൾ സ്വാദോടെ ലഡ്ഡുവും മൈസൂർ പാക്കും വീട്ടിലുണ്ടാക്കാം!
ലഡ്ഡു
1. പഞ്ചസാര – ഒരു കപ്പ്
വെള്ളം – ഒരു കപ്പ്
2. മ‍ഞ്ഞക്കളർ – ഒരു തുള്ളി
3. കടലമാവ് – ഒരു കപ്പ്
വെള്ളം – മുക്കാൽ കപ്പ് (ഏകദേശം)
4. നെയ്യ് – ഒരു കപ്പ്
5. കൽക്കണ്ടം തരുതരുപ്പായി പൊടിച്ചത് – ഒരു ചെറിയ സ്പൂണ്‍
കുരുവില്ലാത്ത ഉണക്കമുന്തിരി – 15
ഏലയ്ക്കാത്തരി പൊടിച്ചത് – ഒരു െചറിയ സ്പൂൺ
പാകം ചെയ്യുന്ന വിധം
∙ പഞ്ചസാരയും വെള്ളവും ചേർത്ത് അടുപ്പിൽ വച്ചു തിള പ്പിച്ച് ഒരു നൂൽ പാകമാകുമ്പോൾ വാങ്ങി ഒരു തുള്ളി കളർ ചേർത്തിളക്കി വയ്ക്കുക.
∙ കടലമാവിൽ വെള്ളം ചേർത്തിളക്കി കോരിയൊഴിക്കാവു ന്ന പാകത്തിനാക്കുക.
∙ വലിയ പാത്രത്തിൽ െനയ്യ് ചൂടാക്കി, അതിലേക്കു കടലമാവു മിശ്രിതം ഒരു ബൂന്ദിത്തവിയിലൂടെ(ഓട്ടത്തവി) ഒഴിക്കണം. മുത്തുകൾ പോലെ മിശ്രിതം നെയ്യിലേക്കു വീഴും.
∙ ബൂന്ദികൾ വറുത്തുേകാരി, എണ്ണ വാർന്നശേഷം പ‍ഞ്ച സാരപ്പാനിയിൽ ഇട്ട്, അധികം ബലം കൊടുക്കാതെ മെല്ലേ യോജിപ്പിക്കുക.
∙ ചൂടാറിത്തുടങ്ങുമ്പോൾ അഞ്ചാമത്തെ ചേരുവയും ചേർ ത്തു യോജിപ്പിക്കണം. ഉടൻ തന്നെ ചെറിയ ഉരുളകളാക്കി ഉരുട്ടി ലഡ്ഡു ഉണ്ടാക്കണം. ഓരോ ലഡ്ഡുവിലും ഒരു ഉണക്കമുന്തിരിയെങ്കിലും ഉണ്ടെന്ന് ഉറപ്പു വരുത്തുക.
∙ ഏകദേശം 15 ലഡ്ഡു ഉണ്ടാക്കാം.
മൈസൂർ പാക്ക്
1. കടലമാവ് – അരക്കപ്പ്
2. നെയ്യ് – അരക്കപ്പ്
3. പഞ്ചസാര – ഒരു കപ്പ്
വെള്ളം – അരക്കപ്പ്
4. നെയ്യ്/വെണ്ണ – പാകത്തിന്
പാകം ചെയ്യുന്ന വിധം
∙ ഒരു പാൻ അടുപ്പിൽ വച്ചു ചൂടാകുമ്പോൾ കടലമാവു ചേർത്തു ചെറുതീയിൽ ചൂടാക്കുക.
∙ പച്ചമണം മാറുമ്പോൾ നെയ്യ് ചേർത്തു യോജിപ്പിക്കുക.
∙ മറ്റൊരു പാനിൽ പഞ്ചസാരയും വെള്ളവും േചർത്തു തിള പ്പിച്ച് ഒരു നൂൽ പാകമാകുമ്പോൾ തയാറാക്കിവച്ചിരിക്കുന്ന കടലമാവു മിശ്രിതം ചേർത്തു നന്നായി ഇളക്കുക.
∙ കുറുകിത്തുടങ്ങുമ്പോൾ നെയ്യ്/വെണ്ണമയം പുരട്ടിയ പാത്രത്തിലേക്കു മാറ്റി നിരത്തി, ചൂടാറിയശേഷം ഇഷ്ടമുള്ള ആകൃതിയിൽ മുറിച്ചെടുക്കാം.