രജനികാന്തിനെ നായകനാക്കി അശ്വത് മാരിമുത്തു സംവിധാനം ചെയ്യുന്ന ‘ധർമനി’ൽ തെലുങ്ക് യുവതാരം റാം പോത്തിനേനി വില്ലൻ വേഷത്തിൽ എത്തും. കമൽഹാസൻ നിർമിക്കുന്ന പുതിയ സിനിമയിൽ റാഷി ഖന്നയും സിമ്രാനുമാണ് നായികമാർ.
‘മൈസൂരിൽ കുറച്ചുകാലമായി ഞാൻ ജീവിക്കുന്ന ലോകത്തിലേക്കൊരു ചെറിയ എത്തിനോട്ടം. രജനി സാറിനും റാമിനും ഒപ്പമുള്ള അതിരാവിലെയുള്ള വർക്കൗട്ടുകൾ. അമ്പലങ്ങളിൽ കയറിയിറങ്ങൽ, ചെറിയ കറക്കങ്ങൾ, കുറച്ച് ഊനോ കളികൾ, ഒപ്പം ഒരുപാട് ചിരിയും’ എന്ന കുറിപ്പോടെ രജനിക്കും റാമിനുമൊപ്പമുള്ള ഒരു ചിത്രം പോസ്റ്റ് ചെയ്ത് റാം വില്ലനാകുന്ന വിവരം റാഷി ഖന്നയാണ് അബദ്ധത്തിൽ വെളിപ്പെടുത്തിയത്. പിന്നീട് ഈ ചിത്രം താരം ഡിലീറ്റ് ചെയ്തു. മൈസൂരിൽ നിന്നുള്ള ലൊക്കേഷൻ ചിത്രങ്ങളാണിവ.
‘ദ് ഡെഡ്ലി ഡോക്ടർ’ എന്നതാണ് സിനിമയുടെ ടാഗ്ലൈൻ. സംഗീതം – അനിരുദ്ധ്. ഛായാഗ്രഹണം – നികേത് ബൊമ്മി. എഡിറ്റിങ് – പ്രദീപ് ഇ. രാഘവ്. പൊങ്കലിനായിരിക്കും ചിത്രം തിയറ്ററുകളിലെത്തുക. കമൽഹാസന്റെ രാജ് കമൽ ഫിലിംസ് ഇന്റർനാഷണലും റെഡ് ജയന്റും ചേർന്നാണ് ചിത്രം നിർമിക്കുന്നത്.
ADVERTISEMENT
Rajinikanth's 'Dharmaraj' to Feature Ram Pothineni as Villain:
Dharmaraj, starring Rajinikanth and with Ram Pothineni in a villainous role, is a highly anticipated film directed by Rathna Kumar under Kamal Haasan's production. The film, which also features Raashii Khanna and Simran as female leads, had its antagonist role accidentally revealed by Raashii Khanna through a social media post. The movie, with the tagline 'The Deadly Doctor' and music by Anirudh Ravichander, is slated for a Pongal release.
