ഈ ചൂടിൽ ഒരു ഗ്ലാസ് ഊർജ്ജം കുടിക്കാം, മംഗോ-ഓട്സ് സ്മൂത്തി

 തിരക്കേറിയ രാവിലെകളിൽ എളുപ്പത്തിൽ തയ്യാറാക്കാൻ പറ്റിയ ഒന്നാണ് ഈ മാംഗോ ഓട്സ് സ്മൂത്തി. വയർ നിറയ്ക്കാനും ഒപ്പം നല്ല ഉന്മേഷം നൽകാനും ഇത് സഹായിക്കും. പഞ്ചസാരയ്ക്ക് പകരം തേനോ ഈന്തപ്പഴമോ ചേർത്താൽ കൂടുതൽ ആരോഗ്യകരമാക്കാം

ആവശ്യമായ ചേരുവകൾ
മാമ്പഴം - 1 എണ്ണം 
ഓട്‌സ് - 3 ടേബിൾ സ്പൂൺ 
തണുപ്പിച്ച പാൽ - 2 ഗ്ലാസ് 
ഈന്തപ്പഴം - 5 എണ്ണം 
ബദാം/ അണ്ടിപ്പരിപ്പ് - ആവശ്യത്തിന്  
ഐസ് ക്യൂബ്സ്

തയ്യാറാക്കുന്ന വിധം
. ഓട്‌സ് അല്പം വെള്ളത്തിലോ പാലിലോ 5-10 മിനിറ്റ് കുതിർത്തു വെക്കുക. 
. മാമ്പഴത്തിന്റെ തൊലി കളഞ്ഞ് ചെറിയ കഷ്ണങ്ങളായി അരിയുക.
. ഒരു മിക്സി ജാറിലേക്ക് അരിഞ്ഞ മാമ്പഴം, കുതിർത്ത ഓട്‌സ്, കുരു കളഞ്ഞ ഈന്തപ്പഴം/തേൻ, പാൽ എന്നിവ ചേർക്കുക.
. ഇവയെല്ലാം ചേർത്ത് നല്ല മയത്തിൽ അടിച്ചെടുക്കുക. 
. കൂടുതൽ തണുപ്പ് വേണമെന്നുണ്ടെങ്കിൽ ഐസ് ക്യൂബ്സ് കൂടി ചേർക്കാം.
. എല്ലാ ചേരുവകളും യോജിപ്പിച്ച് തണുപ്പിച്ചു വിളമ്പുക.
. ഗ്ലാസിലേക്ക് പകർത്തിയ ശേഷം മുകളിൽ അല്പം മാമ്പഴ കഷ്ണങ്ങളോ ബദാം പരിപ്പോ വിതറി അലങ്കരിക്കാം