വിരുന്നിനു മധുരമേകാൻ നാവിലലിയും രുചിയില് എളുപ്പം തയാറാക്കാവുന്ന ഒരു സൂപ്പര് ഡിസേർട്ട് ആയാലോ? കുട്ടികളും മുതിര്ന്നവരും ഒരുപോലെ ഇഷ്ടപ്പെടുന്ന കോക്കനട്ട് പനാകോട്ടയുടെ റെസിപ്പി ഇതാ...
കോക്കനട്ട് പനാകോട്ട
1. ജെലറ്റിൻ – ഒന്നര വലിയ സ്പൂൺ
2. കട്ടിയുള്ള തേങ്ങാപ്പാൽ – 400 മില്ലി
തിക് ക്രീം – 200 മില്ലി
പഞ്ചസാര – 70 ഗ്രാം
വനില എസ്സൻസ് – അര ചെറിയ സ്പൂൺ
പാകം ചെയ്യുന്ന വിധം
∙ ജെലറ്റിൻ ഒരു വലിയ സ്പൂൺ വെള്ളത്തിൽ കുതിർത്തു വയ്ക്കുക.
∙ തേങ്ങാപ്പാലും ക്രീമും പഞ്ചസാരയും വനില എസ്സൻസും യോജിപ്പിച്ചു ചെറുതീയിൽ വച്ചു പഞ്ചസാര അലിയുന്നതു വരെ തുടരെയിളക്കണം. തിളയ്ക്കുന്നതിനു മുൻപു വാങ്ങുക.
∙ െജലറ്റിൻ ഒരു പാത്രത്തിലാക്കി ചൂടുവെള്ളത്തിനു മുകളിൽ പിടിച്ച് ഉരുക്കുക. ഇതു തേങ്ങാപ്പാൽ മിശ്രിതത്തിലേക്കു േചർത്തു നന്നായി ഇളക്കി യോജിപ്പിക്കണം.
∙ ചൂടാറിയ ശേഷം നാലു മണിക്കൂറോ ഒരു രാത്രി മുഴുവനോ ഫ്രിഡ്ജിൽ വച്ചു സെറ്റ് ചെയ്യുക.
∙ മാംഗോ സിറപ്പിനോ പാഷൻഫ്രൂട്ട് സിറപ്പിനോ ഒപ്പം വിളമ്പാം.
ഫോട്ടോ: ശ്രീകാന്ത് കളരിക്കൽ, ഫോട്ടോയ്ക്കു വേണ്ടി വിഭവങ്ങള് തയാറാക്കിയത്: ജേക്കബ് മാണി, മലയാള മനോരമ, കോട്ടയം