ഈ ഡിസേർട്ട് മുന്നില് വച്ചാല് കുട്ടികള് കൊതിയോടെ പാത്രം കാലിയാക്കും. സൂപ്പര് ടേസ്റ്റില് ലെമൺ പൈ തയാറാക്കിയാലോ?
ലെമൺ പൈ
1. പഞ്ചസാര – ഒരു കപ്പ്
വെണ്ണ ഉരുക്കിയത് – അര കപ്പ്
നാരങ്ങയുടെ തൊലി ചുരണ്ടിയത് – ഒരു വലിയ സ്പൂൺ
നാരങ്ങാനീര് – അരക്കപ്പ്
മുട്ട – നാല്, വലുത്
2. മൈദ – ഒരു കപ്പ്
ബേക്കിങ് പൗഡർ – ഒരു ചെറിയ സ്പൂൺ
ഉപ്പ് – ഒരു നുള്ള്
3. പാൽ – രണ്ടു കപ്പ്
കണ്ടൻസ്ഡ് മിൽക് – ഒരു ടിൻ
പാകം െചയ്യുന്ന വിധം
∙ അവ്ൻ 1750C ൽ ചൂടാക്കിയിടണം.
∙ ഒരു ബൗളിൽ ഒന്നാമത്തെ ചേരുവ ചേർത്ത് അടിച്ചു മയപ്പെടുത്തുക.
∙വേറൊരു പാത്രത്തിൽ രണ്ടാമത്തെ ചേരുവ യോജിപ്പിക്കുക. ഇതു നേരത്തേ തയാറാക്കി വച്ച മിശ്രിതത്തിലേക്കു ചേർത്ത് ഇളക്കി യോജിപ്പിക്കണം.
∙ ഇതിലേക്കു മെല്ലേ പാലും കണ്ടൻസ്ഡ് മിൽക്കും ചേർത്ത് അടിച്ചു മയപ്പെടുത്തുക. ഈ മിശ്രിതം മ യം പുരട്ടിയ പൈ പാനിലാക്കി ചൂടാക്കിയിട്ടിരിക്കുന്ന അവ്നിൽ വച്ചു 45– 50 മിനിറ്റ് ബേക്ക് ചെയ്യുക. ഗോൾഡൻ ബ്രൗൺ നിറമാകണം.
∙ ചൂടാറിയ ശേഷം രണ്ടുമണിക്കൂർ ഫ്രിഡ്ജിൽ വച്ചു തണുപ്പിച്ച ശേഷം വിളമ്പാം.
ഫോട്ടോ: ശ്രീകാന്ത് കളരിക്കൽ, ഫോട്ടോയ്ക്കു വേണ്ടി വിഭവങ്ങള് തയാറാക്കിയത്: ജേക്കബ് മാണി, മലയാള മനോരമ, കോട്ടയം