വീട്ടില്‍ എളുപ്പത്തില്‍ പരീക്ഷിക്കാവുന്ന ഒരു കേക്കിന്റെ റെസിപ്പിയാണ് ഇത്തവണ. കുട്ടികള്‍ക്ക് വളരെയധികം ഇഷ്ടപ്പെടുന്ന കാരമൽ കേക്ക് തയാറാക്കുന്നത് എങ്ങനെയെന്ന് നോക്കാം.
കാരമൽ കേക്ക്
1. മൈദ – രണ്ടു കപ്പ്
ബേക്കിങ് പൗഡർ – രണ്ടു ചെറിയ സ്പൂൺ
2. വെണ്ണ ഉരുക്കിയത് – അര കപ്പ്
പഞ്ചസാര പൊടിച്ചത് – ഒരു കപ്പ്
3. മുട്ട – രണ്ട്
നാരങ്ങ – ഒന്നിന്റെ പകുതി, നീരാക്കിയത്
4. കാരമൽ സിറപ്പ് – അരക്കപ്പ്
വനില എസ്സൻസ് – ഒരു ചെറിയ സ്പൂൺ
ഉപ്പ് – ഒരു നുള്ള്
കശുവണ്ടിപ്പരിപ്പ് – ആവശ്യത്തിന്
ബദാം – ആവശ്യത്തിന്
പാകം െചയ്യുന്ന വിധം
∙ അവ്‍ൻ 1800C ൽ ചൂടാക്കിയിടണം.
∙ മൈദയും ബേക്കിങ് പൗഡറും ഇടഞ്ഞു യോജിപ്പിച്ചു മാറ്റിവയ്ക്കുക.
∙ ഒരു ബൗളിൽ വെണ്ണയും പഞ്ചസാരയും ചേർത്ത് അടിച്ചു മയപ്പെടുത്തി യോജിപ്പിക്കുക. ഇതിലേക്കു മുട്ടയും നാരങ്ങാനീരും ചേർത്ത് അടിച്ചു യോജിപ്പിക്കണം.
∙ ഇതിലേക്ക് കാരമൽ സിറപ്പും വനില എസ്സൻസും ഉപ്പും യോജിപ്പിക്കുക. മൈദ മിശ്രിതം കൂടി ചേർ ത്തു നന്നായി യോജിപ്പിക്കണം.
∙ കേക്ക് മിശ്രിതം തയാറാക്കിയ േകക്ക് ടിന്നിൽ ഒഴിക്കുക. കശുവണ്ടിപ്പരിപ്പും ബദാമും മുകളിൽ വിതറി അലങ്കരിക്കാം.
∙ ചൂടാക്കിയിട്ട അവ്നിൽ വച്ചു 30– 40 മിനിറ്റ് ബേക്ക് ചെയ്യുക.
കാരമൽ സിറപ്പിന്
∙ അരക്കപ്പ് പഞ്ചസാര ഒരു പാനിൽ വച്ച് ബ്രൗൺനിറമാകുന്നതു വരെ ഉരുക്കിയെടുക്കുക.
∙വാങ്ങിയ ശേഷം മെല്ലേ കാൽകപ്പ് വെള്ളം േചർക്കുക. ചെറുതീയിൽ വച്ചു സിറപ്പാക്കിയെടുക്കാം.
ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയത്: ജേക്കബ് മാണി, മലയാള മനോരമ, കോട്ടയം