കിണ്ണപ്പത്തിരി
1. ബസ്മതി അരി - അരക്കിലോ
2. തേങ്ങ - ഒരു തേങ്ങയും ഒന്നിന്റെ പകുതിയും
3. ഏലയ്ക്കാപ്പൊടി - ഒരു ചെറിയ സ്പൂൺ
ഉപ്പ് - പാകത്തിന്
4. കോഴിയുടെ നെഞ്ചുഭാഗം - ഒരു കോഴിയുടേത്
5. മുളകുപൊടി - ഒരു ചെറിയ സ്പൂൺ
പെരുംജീരകംപൊടി, മ‍ഞ്ഞൾപ്പൊടി - കാൽ ചെറിയ സ്പൂൺ വീതം
ഉപ്പ് - പാകത്തിന്
വെള്ളം - അൽപം
6. എണ്ണ - മൂന്നു വലിയ സ്പൂൺ
7. സവാള - ആറ് വലുത്, നീളത്തിൽ കനം കുറച്ചരിഞ്ഞത്
പച്ചമുളക് - നാല്, പൊടിയായി അരിഞ്ഞത്
8. മല്ലിയില, പുതിനയില - അൽപം
പാകം ചെയ്യുന്ന വിധം
∙ അരി രണ്ടു മണിക്കൂർ കുതിർത്തു വയ്ക്കുക. തേങ്ങ ചുരണ്ടി കട്ടിത്തേങ്ങാപ്പാൽ എടുത്തു വയ്ക്കുക.
∙ അരി തേങ്ങാപ്പാലും മൂന്നാമത്തെ ചേരുവയും ചേർത്ത് അരച്ച് അരിച്ച് ദോശമാവിനെക്കാൾ അയവിൽ എടുക്കുക.
∙ കോഴിയുടെ നെഞ്ചുഭാഗം അഞ്ചാമത്തെ ചേരുവ ചേർത്തു വേവിച്ചു വെള്ളം വറ്റിച്ചെടുക്കുക. ഇതിൽ ഒരു വലിയ സ്പൂൺ എണ്ണ ഒഴിച്ചു വറ്റിച്ചെടുക്കണം.
∙ ഒരു പാൻ അടുപ്പിൽ വച്ചു ബാക്കി എണ്ണയൊഴിച്ച് സവാള യും പച്ചമുളകും നന്നായി വഴറ്റുക. ഇതിലേക്കു വേവിച്ചു വച്ച ചിക്കൻ പിച്ചിക്കീറി ചേർക്കുക. നന്നായി വഴറ്റിയ ശേഷം മല്ലിയിലയും പുതിനയിലയും ചേർത്തു വാങ്ങാം.
∙ ഒരു പാത്രത്തിൽ നെയ്മയം പുരട്ടി തയാറാക്കിയ മാവ് രണ്ടു വലിയ തവി ഒഴിക്കുക. ഇതിനു മുകളിലായി ചിക്കൻ കൂട്ടു നിരത്തി വീണ്ടും രണ്ടു തവി മാവൊഴിക്കുക.
∙ ആവിയിൽ വച്ചു വേവിച്ച് കഷണങ്ങളാക്കി വിളമ്പാം.
