ഹിമാചൽ പ്രദേശിന്റെ പരമ്പരാഗതമായ ഒരു നോൺ-വെജ് വിഭവമാണ് 'ഛാ ഗോഷ്ഠ്'.സാധാരണ മട്ടൺ കറികളിൽ നിന്ന് വ്യത്യസ്തമായി, തൈരും കടലമാവും ചേർത്ത ഈ ഗ്രേവി ഒരു ഒന്നൊന്നര രുചിയാണ്. നെയ്ചോറിനൊപ്പം കഴിക്കാൻ പറ്റിയ കിടിലൻ റെസിപ്പി.
ആവശ്യമായ ചേരുവകൾ
1. മട്ടൺ (എല്ലില്ലാതെ കഷണങ്ങളാക്കിയത്) – 350 ഗ്രാം
2. ഇഞ്ചി–വെളുത്തുള്ളി പേസ്റ്റ് – രണ്ടു ചെറിയ സ്പൂൺ
കറുത്ത ഏലയ്ക്ക – രണ്ട്, ചതച്ചത്
വഴനയില – ഒന്ന്
കറുവാപ്പട്ട – മൂന്ന്, ചതച്ചത്
ഗ്രാമ്പൂ – മൂന്ന്, ചതച്ചത്
കട്ടത്തൈര് –അരക്കപ്പ്
ഉപ്പ് –പാകത്തിന്
3. കടുകെണ്ണ– രണ്ടു വലിയ സ്പൂൺ
4. കായംപൊടി – ഒരു നുള്ള്
മല്ലിപ്പൊടി –അര ചെറിയ സ്പൂൺ
വറ്റൽമുളകു ചതച്ചത് –അര ചെറിയ സ്പൂൺ
പച്ചമുളക് – മൂന്ന്,അറ്റം പിളർന്നത്
ഇഞ്ചി പൊടിയായി അരിഞ്ഞത്–അര ചെറിയ സ്പൂൺ
5. സവാള അരിഞ്ഞത്– ഒന്നര ചെറിയ സ്പൂൺ
6. കടലമാവ് വറുത്തത് – ഒരു വലിയ സ്പൂൺ
മഞ്ഞൾപ്പൊടി – ഒരു നുള്ള്
മല്ലിപ്പൊടി –അര ചെറിയ സ്പൂൺ
കട്ടത്തൈര് –അരക്കപ്പ്
ഉപ്പ് –പാകത്തിന്
7. മല്ലിയില അരിഞ്ഞത് – ആവശ്യത്തിന്
പാകം ചെയ്യുന്ന വിധം
∙ മട്ടണിൽ രണ്ടാമത്തെ ചേരുവ പുരട്ടി മൂന്നു മണിക്കൂർ മാറ്റിവയ്ക്കുക.
∙ പാനിൽ എണ്ണ ചൂടാക്കി നാലാമത്തെ ചേരുവ ചേർത്തു നന്നായി ഇളക്കണം.
∙ ഇതിലേക്കു സവാള ചേർത്തു വഴറ്റുക. കണ്ണാടിപ്പരുവമാകുമ്പോൾ ആറാമത്തെ ചേരുവയും പുരട്ടി വച്ചിരിക്കുന്ന മട്ടണും ചേർത്തു തുടരെ ഇളക്കണം.
∙ പാത്രം അടച്ചു വച്ചു ചെറുതീയിൽ ഒരു മണിക്കൂർ വേവിക്കുക.
∙ മല്ലിയില കൊണ്ട് ഭംഗിയായി അലങ്കരിച്ചു ചൂടോടെ ചോറിനൊപ്പം വിളമ്പാം.