മഴക്കാലത്ത് ശരീരത്തിന്റെ പ്രതിരോധശേഷി വർദ്ധിപ്പിക്കാനും ദഹനപ്രക്രിയ മെച്ചപ്പെടുത്താനും ആയുർവേദക്കൂട്ടുകൾ ചേർത്തുണ്ടാക്കുന്ന പാരമ്പര്യ തനിമയുള്ള ഔഷധക്കഞ്ഞിയാണ് കർക്കിടക കഞ്ഞി. ഞവരയരിയും, വിവിധ ഔഷധമൂല്യമുള്ള പൊടികളും, മസാലക്കൂട്ടുകളും ചേർത്ത് തയ്യാറാക്കുന്ന ഇത് ആരോഗ്യത്തിന് ഏറെ മികച്ചതാണ്
ആവശ്യമായ ചേരുവകൾ
ഞവര അരി -50g
ഉലുവ -1 ടേബിൾസ്പൂൺ
ബാർലി -1ടേബിൾസ്പൂൺ
ആശാളി -1ടേബിൾസ്പൂൺ
ഇന്ദുപ്പ് -1ടീസ്പൂൺ
തേങ്ങ -1 മുറി
ഏലക്ക -3 എണ്ണം
നല്ല ജീരകം -1/2 ടീസ്പൂൺ
കുരുമുളക് - 7 എണ്ണം
ഉഴിഞ്ഞ
പൂവാം കുരുന്നൽ
മുക്കുറ്റി
തഴുതാമ
നിലപ്പന കിഴങ്ങ്
തൊട്ടാവാടി വേര്
തയ്യാറാക്കുന്ന വിധം
* ഞവര അരി, ഉലുവ ബാർലി, ആശാളി കഴുകി വെള്ളത്തിലിട്ടു വെക്കുക
* പച്ചമരുന്നുകൾ കഴുകി ചതച്ചു 2 ഗ്ലാസ് വെള്ളം ചേർത്ത് ഒരു ഗ്ലാസ് ആവും വരെ തിളപ്പിച്ച് അരിച്ചെടുത്തു വെക്കുക. (പച്ചമരുന്ന് ചൂർണം ആയുർവേദ മരുന്ന് കടയിൽ വാങ്ങാൻ കിട്ടും . അത് തിളപ്പിച്ച് ഉപയോഗിച്ചാലും മതിയാവും)
* തേങ്ങ ചിരവി കട്ടിയിൽ പാലെടുത്തു വെക്കുക.
* കുതിർന്ന അരിക്കൂട്ട് വേവിച്ചെടുക്കുക.
* അതിലേക്ക് പച്ചമരുന്ന് തിളപ്പിച്ച് വെച്ച വെള്ളം ചേർത്ത് കൊടുക്കാം.
* തിളച്ച് നല്ല പോലെ വെന്തു വരുമ്പോൾ ഇന്ദുപ്പും ചേർക്കാം
* തേങ്ങാ പാൽ കൂടെ ചേർത്ത് തിള വരുമ്പോൾ ഏലക്ക പൊളിച്ച് അതിന്റെ തരിയും, നല്ലജീരകവും, കുരുമുളകും ചേർത്ത് പൊടിച്ചത് മെമ്പോടി ചേർത്ത് ഇറക്കി വെക്കാം.
* മഴക്കാലത്തെ ആരോഗ്യ സംരക്ഷണത്തിൽ പ്രധാനിയായ കർക്കിടക കഞ്ഞി തയ്യാർ.
ചെറുപയർ, മുതിര പോലുള്ള പുഴുക്ക് കൂടെ കഴിക്കാൻ ശ്രദ്ധിക്കുമല്ലോ