ലഞ്ച്ബോക്സിലേക്ക് തയാറാക്കാൻ പോഷകസമൃദ്ധമായ ഓംലെറ്റ് റാപ്പ്ഡ് ഫ്രൈഡ്റൈസ്. കുട്ടികള്ക്കും മുതിര്ന്നവര്ക്കും ഒരുപോലെ ഇഷ്ടപ്പെടുന്ന സൂപ്പര് റെസിപ്പി ആണിത്.
ഓംലെറ്റ് റാപ്പ്ഡ് ഫ്രൈഡ്റൈസ്
1. ബിരിയാണി അരി - അരക്കപ്പ്
2. എണ്ണ - രണ്ടു വലിയ സ്പൂൺ
3. വെളുത്തുള്ളി പൊടിയായി അരിഞ്ഞത് – അര വലിയ സ്പൂൺ
4. സവാള പൊടിയായി അരിഞ്ഞത് – ഒരു വലിയ സ്പൂൺ
പച്ച കാപ്സിക്കം പൊടിയായി അരിഞ്ഞത് – ഒരു വലിയ സ്പൂൺ
ചുവന്ന കാപ്സിക്കം പൊടിയായി അരിഞ്ഞത് – ഒരു വലിയ സ്പൂൺ
കാരറ്റ് പൊടിയായി അരിഞ്ഞത് – ഒരു വലിയ സ്പൂൺ
5. മുട്ട – മൂന്ന്, അടിച്ചത്
6. ചിക്കൻ വേവിച്ചു പിച്ചിക്കീറിയത് – രണ്ടു വലിയ സ്പൂൺ
7. ഉപ്പ്, കുരുമുളകുപൊടി – പാകത്തിന്
8. സെലറി പൊടിയായി അരിഞ്ഞത് – ഒരു വലിയ സ്പൂൺ
സ്പ്രിങ് അണിയൻ പൊടിയായി അരിഞ്ഞത് – ഒരു വലിയ സ്പൂൺ
9. മുട്ട – മൂന്ന്
സവാള പൊടിയായി അരിഞ്ഞത് – രണ്ടു വലിയ സ്പൂൺ
ഉപ്പ്, കുരുമുളകുപൊടി – പാകത്തിന്
പാകം െചയ്യുന്ന വിധം
∙ അരി മുക്കാൽ വേവിൽ വേവിച്ചൂറ്റി വയ്ക്കുക.
∙ പാനിൽ എണ്ണ ചൂടാക്കി വെളുത്തുള്ളി ചേർത്തു വഴറ്റിയശേഷം നാലാമത്തെ ചേരുവ ചേർത്തു വഴറ്റണം.
∙ ഇതിലേക്കു മുട്ട ചേർത്തു നന്നായി ചിക്കിപ്പൊരിച്ച ശേഷം ചിക്കനും ചേർത്തിളക്കുക.
∙ ഇതിലേക്കു ചോറും ഉപ്പും കുരുമുളകുപൊടിയും ചേ ർത്തിളക്കിയശേഷം സെലറിയും സ്പ്രിങ് അണിയനും ചേർത്തു വേവിച്ചു വാങ്ങിവയ്ക്കുക.
∙ ഒൻപതാമത്തെ ചേരുവ നന്നായി അടിച്ചു യോജിപ്പിച്ച ശേഷം ഓംലെറ്റ് ഉണ്ടാക്കുക.
∙ ഓംലെറ്റിനു നടുവിലായി ചോറു വച്ച് നാലു വശത്തു നിന്നും പൊതിഞ്ഞു വിളമ്പാം.
ഫോട്ടോ: ശ്രീകാന്ത് കളരിക്കൽ, ഫോട്ടോയ്ക്കു വേണ്ടി വിഭവങ്ങള് തയാറാക്കിയത്: അശോക് ഈപ്പൻ, എക്സിക്യൂട്ടീവ് ഷെഫ്, ലെമൺട്രീ പ്രീമിയർ, തിരുവനന്തപുരം