അമിതഭാരം പെട്ടെന്ന് കുറയും, വയറു നിറച്ച് കഴിക്കുകയും ചെയ്യാം.. ലഞ്ച്ബോക്സിലേക്ക് തയാറാക്കാൻ പോഷക സമൃദ്ധമായ ഒരു വിഭവം ആയാലോ? രുചികരമായ മില്ലെറ്റ് തൈരു സാദം തയാറാക്കുന്ന വിധം അറിയാം...
മില്ലെറ്റ് തൈരു സാദം
1. മില്ലെറ്റ് – ഒരു കപ്പ്
2. കാരറ്റ് ഗ്രേറ്റ് ചെയ്തത് – കാൽ കപ്പ്
ബീൻസ് പൊടിയായി അരിഞ്ഞത് – കാൽ കപ്പ്
3. വെണ്ണ – ഒരു വലിയ സ്പൂൺ
ഉപ്പ് – പാകത്തിന്
4. നല്ലെണ്ണ – ഒരു വലിയ സ്പൂൺ
5. കടുക് – ഒരു ചെറിയ സ്പൂൺ
6. വറ്റൽമുളക് – ഒന്ന്, കഷണങ്ങളാക്കിയത്
ഉഴുന്നുപരിപ്പ് – ഒരു വലിയ സ്പൂൺ
7. ചുവന്നുള്ളി പൊടിയായി അരിഞ്ഞത് – ഒരു വലിയ സ്പൂൺ
ഇഞ്ചി പൊടിയായി അരിഞ്ഞത് – ഒരു ചെറിയ സ്പൂൺ
പച്ചമുളക് – ഒന്ന്, പൊടിയായി അരിഞ്ഞത്
8. കായംപൊടി – അര ചെറിയ സ്പൂൺ
9. അധികം പുളിയില്ലാത്ത തൈര് – അരക്കപ്പ്
10. മല്ലിയില – അലങ്കരിക്കാൻ
പാകം െചയ്യുന്ന വിധം
∙ കുക്കറിൽ അഞ്ചു ലീറ്റർ വെള്ളം ഒഴിച്ചു കഴുകി വാരിയ മില്ലെറ്റ് ചേർത്തു വേവിക്കുക. ഒരു വിസിൽ വരുമ്പോൾ വാങ്ങി ആവി പോയശേഷം ഊറ്റി മാറ്റിവയ്ക്കണം.
∙ കാരറ്റും ബീൻസും വേവിച്ചൂറ്റിയെടുത്തു മില്ലെറ്റിൽ ചേർക്കണം. വെണ്ണയും ഉപ്പും ചേർത്തു നന്നായി യോജിപ്പിച്ചു വയ്ക്കുക.
∙ ചെറിയ പാനിൽ കടുകു പൊട്ടിച്ച ശേഷം വറ്റൽമുളകും ഉഴുന്നുപരിപ്പും ചേർത്തു മൂപ്പിക്കണം. ഇതിലേക്ക് ഏഴാമത്തെ ചേരുവ ചേർത്തിളക്കി വഴറ്റി ബ്രൗ ൺനിറമാകുമ്പോൾ കായംപൊടിയും ചേർത്തു വാങ്ങി മില്ലെറ്റിൽ ചേർത്തിളക്കണം.
∙ കഴിക്കാൻ നേരം തൈരു ചേർത്തിളക്കി ഉപ്പും പാകത്തിനാക്കുക. മല്ലിയില മുകളിൽ വിതറാം.
ഫോട്ടോ: ശ്രീകാന്ത് കളരിക്കൽ, ഫോട്ടോയ്ക്കു വേണ്ടി വിഭവങ്ങള് തയാറാക്കിയത്: അശോക് ഈപ്പൻ, എക്സിക്യൂട്ടീവ് ഷെഫ്, ലെമൺട്രീ പ്രീമിയർ, തിരുവനന്തപുരം