പേശികളുടെ വളർച്ചയ്ക്കും ശരീരഭാരം കുറയ്ക്കാനും സഹായിക്കുന്ന പ്രോട്ടീൻ നിറഞ്ഞ ചിക്കൻ സാലഡ്. അമിത കലോറി ഇല്ലാത്തതും എന്നാൽ വയറു നിറയ്ക്കുന്നതുമായ ഉത്തമ വിഭവം.
ആവശ്യമായ സാധനങ്ങൾ
ചിക്കൻ (ബോൺലെസ്സ്) - 250 ഗ്രാം
കുരുമുളക് പൊടി -1 ടീസ്പൂൺ
മുളക് പൊടി - 1 ടേബിൾസ്പൂൺ
തൈര് - 2 ടീസ്പൂൺ
സോയ സോസ് - 1 ടീസ്പൂൺ
ഉപ്പ് - ആവശ്യത്തിന്
വെളിച്ചെണ്ണ -2 ടേബിൾസ്പൂൺ
ലെറ്റൂസ് -1 കപ്പ് (കഷണങ്ങളാക്കിയത്)
കുക്കുമ്പർ - 1 എണ്ണം (ചെറിയ കഷണങ്ങളാക്കിയത്)
സവാള 1 (നീളത്തിൽ അരിഞ്ഞത്)
ഡ്രെസ്സിംഗിന്
മുട്ട - 2 എണ്ണം
വെളുത്തുള്ളി - 5 അല്ലി
വിനിഗർ - 1 ടീസ്പൂൺ
ടൊമാറ്റോ സോസ് - 1 ടീസ്പൂൺ
തയ്യാറാക്കുന്ന വിധം
. ചിക്കൻ കഷണങ്ങളിൽ കുരുമുളക് പൊടി, മുളക് പൊടി, തൈര്, സോയ സോസ്, ഉപ്പ് എന്നിവ പുരട്ടി 10 മിനിറ്റ് വെക്കുക.
. ഒരു പാനിൽ അല്പം എണ്ണയൊഴിച്ച് ഈ ചിക്കൻ കഷണങ്ങൾ നന്നായി വേവിച്ച് മാറ്റിവെക്കുക.
. ഒരു വലിയ ബൗളിൽ നന്നായി കഴുകി വൃത്തിയാക്കിയ ലെറ്റൂസ്, ക്യൂകമ്പർ, ഉള്ളി എന്നിവ അരിഞ്ഞു ചേർക്കുക.
. മറ്റൊരു ചെറിയ പാത്രത്തിൽ മുട്ട, വെളുത്തുള്ളി, വിനിഗർ, ടൊമാറ്റോ സോസ് എന്നിവ മിക്സിയിൽ അടിച്ചെടുക്കുക. .
. പച്ചക്കറികൾ എടുത്ത ബൗളിലേക്ക് വേവിച്ചു വെച്ചിരിക്കുന്ന ചിക്കൻ കഷണങ്ങൾ ചേർക്കുക.
. ഇതിലേക്ക് തയ്യാറാക്കി വെച്ചിരിക്കുന്ന ഡ്രെസ്സിംഗ് ഒഴിച്ച് നന്നായി ഇളക്കി യോജിപ്പിക്കുക.