റൈസ് സാലഡ് ആരോഗ്യത്തിന് ഏറെ ഗുണകരമാണ്. കാർബോഹൈഡ്രേറ്റും വിറ്റാമിനുകളും ഒത്തുചേരുമ്പോൾ ഇതൊരു സമ്പൂർണ്ണ ഭക്ഷണമായി മാറുന്നു. ഡയറ്റ് നോക്കുന്നവർക്ക് ഏറ്റവും അനുയോജ്യം.
ആവശ്യമായ ചേരുവകൾ
1. ബസ്മതി അരി– ഒരു കപ്പ്
വെള്ളം – രണ്ടു കപ്പ്
2. ആസ്പരാഗസ് –അരക്കിലോ
3. സാലഡ് കുക്കുമ്പര്- അരി കളഞ്ഞു പൊടിയായി അരിഞ്ഞത്– ഒന്നരക്കപ്പ്
4. സ്പ്രിങ്അണിയൻ– മൂന്ന്, പൊടിയായിഅരിഞ്ഞത്
5. ഡിജോൺ മസ്റ്റേർഡ് – രണ്ടു വലിയ സ്പൂൺ
തേൻ – രണ്ടു വലിയ സ്പൂൺ
വൈറ്റ് വൈൻ, വിനിഗർ/നാരങ്ങാനീര് – രണ്ടു വലിയ സ്പൂൺ
ഒലിവ്ഓയിൽ – ഒന്നരക്കപ്പ്
ഡ്രൈഡ് ദിൽ ലീവ്സ് – ഒരു വലിയ സ്പൂൺ
6. ലൈറ്റൂസ് – നാല്,ഐസ് വെള്ളത്തിൽ ഇട്ടു വച്ചത്
7. ബദാം കനം കുറച്ചരിഞ്ഞത്– കാല് കപ്പ്
പാകം ചെയ്യുന്ന വിധം
∙ അരി വെള്ളം ചേർത്തു വേവിച്ചൂറ്റി വയ്ക്കുക.അധികം വെന്തു പോകരുത്.
∙ വെള്ളം ഉപ്പിട്ടു തിളപ്പിച്ച്, അതിൽ ആസ്പരാഗസ് ഇട്ട് ഒന്ന്– രണ്ടു മിനിറ്റിനു ശേഷം എടുത്തു തണുത്ത വെള്ളത്തിൽ കഴുകണം.
. ഇത് ഒരിഞ്ചു സ്ലൈസുകളായി മുറിച്ചു വയ്ക്കണം.
∙ ഇതിലേക്കു സ്പ്രിങ്അണിയനും സാലഡ്കുക്കുമ്പറും ചേർത്തു യോജിപ്പിക്കുക.
∙ ഈ മിശ്രിതം അരി വേവിച്ചതിൽ ചേർത്തു മെല്ലേ കുടഞ്ഞു യോജിപ്പിക്കുക.
∙ അഞ്ചാമത്തെ ചേരുവ യോജിപ്പിച്ചു ഡ്രസ്സിങ് തയാറാക്കണം.
∙ വിളമ്പുന്നതിനു തൊട്ടുമുൻപ് ഡ്രസ്സിങ്, റൈസ് സാലഡിൽ ചേർത്തു മെല്ലേ കുടഞ്ഞു യോജിപ്പിക്കുക.
∙ വിളമ്പാനുള്ള പാത്രത്തിൽ ലെറ്റൂസ് ഇലകൾ നിരത്തി, അതിൽ സാലഡ് നിരത്തി മുകളിൽ ബദാം നിരത്തി വിളമ്പാം.