ഓരോ തവണ കടിക്കുമ്പോഴും വായിൽ അലിയുന്ന ക്രീമി ഫ്ലേവറും, ഒപ്പം ലേയ്സിന്റെ കിടിലൻ ക്രഞ്ചും. വേൾഡ് കപ്പ് മത്സരങ്ങളെ കൂടുതൽ കളറാക്കാൻ ഇതിലും മികച്ചൊരു ചോയ്സ് ഇല്ല.
ആവശ്യമായ ചേരുവകൾ
ലേയ്സ് -1 പാക്കറ്റ്
ഫ്രഷ് ക്രീം - 4 ടേബിൾസ്പൂൺ
വെണ്ണ - 1 ടേബിൾസ്പൂൺ
വെളുത്തുള്ളി - 4-5 അല്ലി (ചെറുതായി അരിഞ്ഞത്)
ചില്ലി ഫ്ലേക്സ് - അര ടീസ്പൂൺ
ഒറഗാനോ - അര ടീസ്പൂൺ
മുളകുപൊടി/പെരി പെരി മസാല -1 ടീസ്പൂൺ
മല്ലിയില - ആവശ്യത്തിന്
തയ്യാറാക്കുന്ന വിധം
. ഒരു പാനിൽ വെണ്ണ ചൂടാക്കി, അരിഞ്ഞ വെളുത്തുള്ളി ചേർത്ത് നന്നായി വഴറ്റുക.
. ഇതിലേക്ക് ചില്ലി ഫ്ലേക്സ്, ഒറഗാനോ, മുളകുപൊടി അല്ലെങ്കിൽ പെരി പെരി മസാല എന്നിവ ചേർക്കുക.
. മസാലകൾ കരിഞ്ഞുപോകാതെ കുറച്ചു സെക്കൻഡ് മാത്രം വഴറ്റിയ ശേഷം തീ ഓഫ് ചെയ്യുക.
. ഒരു ബൗളിൽ ഫ്രഷ് ക്രീം എടുത്ത്, തയ്യാറാക്കിവെച്ച വെളുത്തുള്ളി-മസാല മിശ്രിതം ഇതിലേക്ക് ഒഴിക്കുക.
. ആവശ്യത്തിന് ഉപ്പും ചേർത്ത് നന്നായി ഇളക്കി യോജിപ്പിക്കുക.
. ലേയ്സ് പാക്കറ്റ് ചെറുതായി പൊട്ടിച്ച ശേഷം, ഈ ക്രീം മിശ്രിതത്തിലേക്ക് ചേർക്കുക.
. മുകളിൽ നിന്ന് മല്ലിയിലയും വിതറി ചിപ്സിൽ ക്രീം നന്നായി കോട്ട് ആകുന്നതുവരെ പതുക്കെ ഇളക്കുക.