ബാക്കി വന്ന ചോറ് കളയാൻ മടിക്കുന്നവർക്കായി ഇതാ ഒരു കിടിലൻ പലഹാരം. ചോറ്, ഉള്ളി, പച്ചമുളക്, മസാലകൾ എന്നിവ ചേർത്ത് എണ്ണയിൽ വറുത്തെടുത്ത ഈ റൈസ് പക്കോട, വൈകുന്നേരത്തെ ചായയ്ക്കൊപ്പം കഴിക്കാൻ ഏറ്റവും മികച്ചതാണ്.
ആവശ്യമായ ചേരുവകൾ
1. ചോറ് – ഒരു കപ്പ്, നന്നായി ഉടച്ചത്
2. സവാള – ഒന്ന്, പൊടിയായി അരിഞ്ഞത്
പച്ചമുളക് – രണ്ട്, പൊടിയായി അരിഞ്ഞത്
ഇഞ്ചി – ഒരു ചെറിയ സ്പൂണ്
വെളുത്തുള്ളി– ഒരു ചെറിയ സ്പൂണ്
കറിവേപ്പില – ഒരു വലിയ സ്പൂണ്
മല്ലിയില - രണ്ടു വലിയ സ്പൂണ്
3. മുളകുപൊടി– അര ചെറിയ സ്പൂണ്
ഗരംമസാലപ്പൊടി – അര ചെറിയ സ്പൂണ്
ജീരകം –അര ചെറിയ സ്പൂണ്
ഉപ്പ് – പാകത്തിന്
4. അരിപ്പൊടി – രണ്ടു വലിയ സ്പൂണ്
കടലമാവ് – മൂന്നു വലിയ സ്പൂണ്
5. എണ്ണ– ആവശ്യത്തിന്
പാകം ചെയ്യുന്ന വിധം
∙ ചോറില് രണ്ടാമത്തെ ചേരുവ ചേര്ത്തു നന്നായി യോജിപ്പിക്കുക.
∙ ഇതിലേക്ക് മൂന്നാമത്തെ ചേരുവ ചേര്ത്തു യോജിപ്പിച്ച ശേഷം നാലാമത്തെ ചേരുവ ചേര്ത്തിളക്കി കട്ടിയുള്ള മാവ് തയാറാക്കണം.
∙ ഇതു ചെറിയ പക്കോടകളായി ചൂടായ എണ്ണയില് ഇടത്തരം തീയില് ഗോൾഡൻ ബ്രൗണ് നിറത്തില് വറുത്തെടുക്കാം.
∙ മിശ്രിതത്തില് പെരും ജീരകം ചതച്ചതു ചേര്ത്താല് കൂടുതല് സ്വാദുണ്ടാകും.