സ്കൂള് വിട്ട് ക്ഷീണിച്ചെത്തുന്ന നിങ്ങളുടെ കുട്ടിക്കുറുമ്പുകള്ക്കായി ഒരു ഹെല്ത്തി എഗ്ഗ് റാപ്പ് വീട്ടില് തന്നെ തയാറാക്കിയാലോ?
എഗ്ഗ് റാപ്പ്
1. മുട്ട – നാല്, അടിച്ചത്
കശ്മീരി മുളകുപൊടി – കാൽ ചെറിയ സ്പൂൺ
സവാള പൊടിയായി അരിഞ്ഞത് – രണ്ടു വലിയ സ്പൂൺ
ഉപ്പ്, കുരുമുളകുപൊടി – പാകത്തിന്
2. ചപ്പാത്തി – നാല്
3. ലെറ്റൂസ് – നാല് ഇല
4. ചീസ് ഗ്രേറ്റ് ചെയ്തത് – 100 ഗ്രാം
പാകം െചയ്യുന്ന വിധം
∙ ഒന്നാമത്തെ ചേരുവ നന്നായി അടിച്ചു യോജിപ്പിക്കുക. ചൂടായ തവയിൽ ഒഴിച്ചു നാല് ഓംലെറ്റ് തയാറാക്കി വയ്ക്കണം.
∙ ഓരോ ചപ്പാത്തി വീതം എടുത്തു ഓരോ ലെറ്റൂസ് ഇല വച്ച്, അതിനു മുകളിൽ ഒരു ഓംലെറ്റ് വച്ച് രണ്ടു വലിയ സ്പൂൺ ചീസും വിതറി, അമർത്തി ചുരുട്ടിയെടുക്കുക. ഓരോന്നും ചൂടായ തവയിലിട്ട് ഇരുവശവും ഗ്രിൽ ചെയ്തെടുക്കുക.
∙ സ്ലൈസ് ചെയ്തു വിളമ്പാം.
തയാറാക്കിയത് : മെര്ലി എം. എൽദോ, ഫോട്ടോ : ശ്രീകാന്ത് കളരിക്കൽ, പാചകക്കുറിപ്പുകള്ക്കും ഫോട്ടോയ്ക്കു വേണ്ടി വിഭവങ്ങൾ തയാറാക്കിയതിനും കടപ്പാട്: അശോക് ഈപ്പന്, എക്സിക്യൂട്ടീവ് ഷെഫ് ലെമൺട്രീ പ്രീമിയർ, തിരുവനന്തപുരം