ചെമ്മീൻ വറ്റിച്ചത്
1.ചെമ്മീൻ – മുക്കാൽ കിലോ
2.ചുവന്നുള്ളി – 100 ഗ്രാം
വെളുത്തുള്ളി – നാല് അല്ലി
ഇഞ്ചി – ഒരു ചെറിയ കഷണം
മുളകുപൊടി – രണ്ടു വലിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂണ്‍
പെരുംജീരകംപൊടി – അര ചെറിയ സ്പൂൺ
ജീരകംപൊടി – അര ചെറിയ സ്പൂൺ
3.പച്ചമുളക് – മൂന്ന്, നീളത്തിൽ അരിഞ്ഞത്
കറിവേപ്പില – ഒരു തണ്ട്
തക്കാളി – രണ്ട്, അരിഞ്ഞത്
വാളൻപുളി പിഴിഞ്ഞത് – അരക്കപ്പ്
ഉപ്പ് – പാകത്തിന്
4.വെളിച്ചെണ്ണ – രണ്ടു വലിയ സ്പൂൺ
പാകം ചെയ്യുന്ന വിധം
∙ചെമ്മീൻ തൊണ്ടും നാരും കളഞ്ഞു വൃത്തിയാക്കി വയ്ക്കുക.
∙രണ്ടാമത്തെ ചേരുവ മയത്തിൽ അരയ്ക്കുക.
∙മൺചട്ടിയിൽ തയാറാക്കിയ അരപ്പും ചെമ്മീനും മൂന്നാമത്തെ ചേരുവയും ചേർത്തിളക്കി മൂടിവച്ചു വേവിക്കുക.
∙വെന്തു കുറുകി വരുമ്പോൾ വെളിച്ചെണ്ണയും ചേർത്തിളക്കി വാങ്ങാം.
