-
നടനും തിരക്കഥാകൃത്തുമായ ഷേർഷ ഷെരീഫ്, നിത്യ സോളമനുമായുള്ള തന്റെ വിവാഹം പ്രഖ്യാപിച്ചതിന് പിന്നാലെ ഉയർന്ന വിദ്വേഷ കമന്റുകൾക്ക് ശക്തമായ മറുപടി നൽകിയിരിക്കുകയാണ്. രണ്ട് വ്യത്യസ്ത വിശ്വാസങ്ങളിൽ നിന്നുള്ളവർ സ്പെഷ്യൽ മാര്യേജ് ആക്ട് 1954 പ്രകാരം വിവാഹിതരായെന്നും, ഓരോരുത്തരുടെയും വിശ്വാസങ്ങളെയും വ്യക്തിത്വങ്ങളെയും സംരക്ഷിച്ചുകൊണ്ടാണ് ഈ വിവാഹമെന്നും അദ്ദേഹം വ്യക്തമാക്കി. വിവാഹ വാർത്ത സോഷ്യൽ മീഡിയയിൽ പങ്കുവെച്ചതിന് പിന്നാലെ നിരവധി ആശംസകൾക്കൊപ്പം വിദ്വേഷ സന്ദേശങ്ങളും ലഭിച്ച സാഹചര്യത്തിലാണ് ഷേർഷയുടെ പ്രതികരണം. ജാതി, മത, കുല വ്യത്യാസങ്ങൾ നോക്കാതെ സ്നേഹിക്കാനും ഒരുമിച്ച് ജീവിക്കാനും ഭയപ്പെടേണ്ടതില്ലെന്ന് അദ്ദേഹം ഊന്നിപ്പറഞ്ഞു. സ്വന്തം വിശ്വാസത്തിൽ ജീവിക്കാനുള്ള അവകാശത്തോടൊപ്പം മറ്റൊരാളുടെ വിശ്വാസത്തെയും സ്വാതന്ത്ര്യത്തെയും ബഹുമാനിക്കാനുള്ള മനസ്സും സ്വാതന്ത്ര്യത്തിന്റെ ഭാഗമാണെന്ന് അദ്ദേഹം കൂട്ടിച്ചേർത്തു. ഭയപ്പെടുത്തുന്ന ഒരു സമൂഹമല്ല, മറിച്ച് സ്വന്തം ജീവിതം സ്വന്തം തീരുമാനപ്രകാരം ജീവിക്കാൻ പ്രാപ്തരാക്കുന്ന ഒരു സമൂഹം ആണ് വേണ്ടതെന്നും അദ്ദേഹം അഭിപ്രായപ്പെട്ടു. വിദ്വേഷം പ്രചരിപ്പിക്കുന്നവരുടെ അസ്വസ്ഥത നിയമമോ ധാർമ്മികതയോ അല്ലെന്നും, മതേതര റിപ്പബ്ലിക്കിൽ ഓരോ വ്യക്തിക്കും അന്തസ്സ്, സ്വാതന്ത്ര്യം, സമത്വം, മനസ്സാക്ഷിയുടെ സ്വാതന്ത്ര്യം എന്നിവയുണ്ടെന്നും അദ്ദേഹം ഓർമ്മിപ്പിച്ചു. അതിനാൽ ഭയമില്ലാതെ സ്നേഹിക്കുമെന്നും, തെരഞ്ഞെടുപ്പുകളിൽ ഖേദമില്ലെന്നും, ഭരണഘടന വാഗ്ദാനം ചെയ്യുന്ന സ്വാതന്ത്ര്യത്തോടെ ജീവിക്കുമെന്നും അദ്ദേഹം വ്യക്തമാക്കി.
-
-
-
-
-
മലയാള സിനിമയിലെ പ്രമുഖ നിർമ്മാതാവും വിതരണക്കാരനുമായിരുന്ന ജിയോ കുട്ടപ്പൻ (എൻ.ജി. ജോൺ) 90-ാം വയസ്സിൽ അന്തരിച്ചു. ബുധനാഴ്ച പുലർച്ചെ എറണാകുളത്തെ മെഡിക്കൽ സെന്റർ ആശുപത്രിയിലായിരുന്നു അന്ത്യം. ആദ്യകാല വിതരണക്കാരനായിരുന്ന എൻ.എക്സ്. ജോർജിന്റെ മകനായ ജിയോ കുട്ടപ്പൻ, ജിയോ പിക്ചേഴ്സ് ബാനറിൽ 'ഇനിയും പുഴയൊഴുകും', 'ഏഴാം കടലിനക്കരെ', 'മീൻ', 'ഇന്നല്ലെങ്കിൽ നാളെ', 'ഈനാട്', 'ഇനിയെങ്കിലും', 'ഇത്രയും കാലം', 'മിനിമോൾ', 'രജനീഗന്ധി', 'ആറ്റുവഞ്ചി ഉലഞ്ഞപ്പോൾ', മണിരത്നത്തിന്റെ മലയാള ചിത്രം 'ഉണരൂ' തുടങ്ങി നിരവധി ശ്രദ്ധേയ ചിത്രങ്ങൾ നിർമ്മിച്ചിട്ടുണ്ട്.
-
-
-
-
-
-
-
-
-
-
8u4t6l106pqvg7gp1bi27cdov 2s7esgk0ckknfa638oq2bg4nqq
