മീൻ ചുട്ടത്
1.മീൻ – 250 ഗ്രാം
2.നാരങ്ങാനീര് – ഒരു ചെറിയ സ്പൂൺ
ഉപ്പ് – ഒരു ചെറിയ സ്പൂൺ
3.മഞ്ഞൾപ്പൊടി – അര ചെറിയ സ്പൂൺ
കറിവേപ്പില – ഒരു തണ്ട്
ഇഞ്ചി – ഒരു ചെറിയ കഷണം
ചുവന്നുള്ളി – നാല്
വെളുത്തുള്ളി – രണ്ട് അല്ലി
മുളകുപൊടി – ഒരു ചെറിയ സ്പൂൺ
കുരുമുളക് – അഞ്ചു മണി
തക്കാളി – ഒന്നിന്റെ പകുതി
ഉപ്പ് – പാകത്തിന്
പാകം ചെയ്യുന്ന വിധം
∙മീൻ വെട്ടിക്കഴുകി വൃത്തിയാക്കി, അരയിഞ്ചു കനത്തിൽ രണ്ടിഞ്ചു ചതുരക്കഷണങ്ങളായി മുറിക്കുക.
∙മീൻ കഷണങ്ങളിൽ രണ്ടാമത്തെ ചേരുവ യോജിപ്പിച്ചു പുരട്ടി, അരമണിക്കൂർ വയ്ക്കുക.
∙പിന്നീട് കഷണങ്ങൾ മെല്ലേ കഴുകിയെടുക്കുക.
∙മൂന്നാമത്തെ ചേരുവ യോജിപ്പിച്ചു മയത്തിൽ അരയ്ക്കുക.
∙ഈ അരപ്പ് മീൻകഷണങ്ങളിൽ പുരട്ടി അരമണിക്കൂർ വീണ്ടും വയ്ക്കുക.
∙പിന്നീട് വാഴയില ചെറിയ കഷണങ്ങളായി കീറി വാട്ടിയെടുത്ത് ഓരോ മീൻ കഷണങ്ങളും അരപ്പോടുകൂടെ പൊടിഞ്ഞ് ഫ്രൈയിങ് പാനിലിട്ടു മൂടിവച്ച് രണ്ടു വശവും ചുട്ടെടുക്കുക.
