കാത്തിരിപ്പിനൊടുവിൽ കുഞ്ഞു കൺമണിയെ ജീവിതത്തിലേക്ക് വരവേറ്റ് നിശാൽ ചന്ദ്രയും ഭാര്യ രമ്യയും. ആൺകുഞ്ഞിനാണ് രമ്യ ജന്മം നൽകിയിരിക്കുന്നത്. ദേവാൻഷ് എന്നാണ് കുഞ്ഞിന് നൽകിയിരിക്കുന്ന പേര്. സന്തോഷ വാർത്ത നിശാൽ തന്നെയാണ് സോഷ്യൽ മീഡിയ വഴി പങ്കുവച്ചത്.
‘തങ്ങളുടെ സന്തോഷങ്ങളുടേയും ഭാവി സ്വപ്നങ്ങളുടേയും ആകെത്തുകയാണ് അവൻ. ഞങ്ങൾക്കു വേണ്ടി പ്രാർത്ഥിച്ച ഏവർക്കും നന്ദി’– സന്തോഷവാർത്തയ്ക്കൊപ്പം നിശാലിന്റെ വാക്കുകൾ. ദിവസങ്ങൾക്ക് മുമ്പാണ് നിശാലിന്റേയു രമ്യയുടേയും ജീവിതത്തിന് നിറമേകി കുഞ്ഞ് ദേവാൻഷ് എത്തുന്നത്.
ഗാന്ധർവം, ജാക്പോട്ട്, ഇലവങ്കോട് ദേശം തുടങ്ങിയ ചിത്രങ്ങളിൽ ബാലതാരമായി അഭിനയിച്ചിട്ടുള്ളയാളാണ് നിശാൽ. നിലവിൽ അമേരിക്കയിൽ ഇൻവെസ്റ്റ് ബാങ്കിൻറെ വൈസ് പ്രസിഡൻറ് ആണ് നിശാൽ.
