ഒന്നാം വിവാഹവാർഷിക ആഘോഷത്തിന്റെ വിഡിയോ പങ്കുവച്ച് താരദമ്പതികളായ സ്വാസിക വിജയ്‌യും പ്രേം ജേക്കബും. ഹൈദരാബാദിലായിരുന്നു ഇരുവരുടേയും ആദ്യ വെഡ്ഡിങ് ആനിവേഴ്സറി സെലിബ്രേഷൻ. പരസ്പരം കൈമാറാനുള്ള ഗിഫ്റ്റൊക്കെ കരുതിയാണ് ഇരുവരും ഹൈദരാബാദിലേക്ക് അവധി ആഘോഷിക്കാൻ എത്തിയത്. ആദ്യം ഗിഫ്റ്റ് നൽകിയത് സ്വാസികയായിരുന്നു. ബ്രേസ് ലെറ്റാണ് സ്വാസിക ഗിഫ്റ്റായി നൽകിയത്. ഒപ്പം ഒരു സൺഗ്ലാസും സമ്മാനിച്ചു. പല നിറത്തിലുള്ള കുപ്പിവളകളും രണ്ട് ഡിസൈനിലുള്ള മൂക്കുത്തിയുമാണ് പ്രേം സമ്മാനമായി നൽകിയത്. ഹോട്ടലിൽ വച്ച് ഇരുവരും കേക്ക് മുറിക്കുകയും ചെയ്തു.
