ഭർത്താവ് ജഗത് ദേശായിയുമായി പ്രണയത്തിലായിരുന്ന കാലത്ത് താന്‍ നടിയാണെന്ന് അദ്ദേഹത്തോട് പറഞ്ഞിരുന്നില്ലെന്നും പ്രൈവറ്റ് ഇൻസ്റ്റഗ്രാം അക്കൗണ്ട് മാത്രമാണ് അക്കാലത്ത് ജഗത്തിനു നൽകിയിരുന്നതെന്നും അമല പോൾ. പിന്നീട് ഗർഭിണിയായി, വിവാഹം കഴിഞ്ഞ സമയത്താണ് ജഗത് തന്റെ സിനിമകൾ കാണാൻ തുടങ്ങിയതെന്നും ജെഎഫ്ഡബ്ല്യു മൂവി അവാർഡ്സിൽ മികച്ച നടിക്കുള്ള ക്രിട്ടിക്സ് പുരസ്കാരം സ്വന്തമാക്കിയ ശേഷം അമല പറഞ്ഞു.
ജഗത്തും ഞാനും ഡേറ്റ് ചെയ്യുമ്പോൾ നടിയാണെന്ന് ഞാൻ പറഞ്ഞിരുന്നില്ല. ഒരു പ്രെെവറ്റ് ഇൻസ്റ്റഗ്രാം അക്കൗണ്ടാണ് ആൾക്ക് ആദ്യം കൊടുത്തത്. പിന്നീട് ഗർഭിണിയായി. വെെകാതെ വിവാഹം. ഞാൻ ഗർഭിണിയായി വീട്ടിലിരിക്കുമ്പോഴാണ് ജഗദ് എന്റെ സിനിമകൾ ഓരോന്നായി കാണാൻ തുടങ്ങുന്നത്. അവാർഡ് ഷോകൾ ഒത്തിരി കാണും. റെഡ് കാർപറ്റിലും സ്റ്റേജിലും ഞാൻ സംസാരിക്കുന്നത് കണ്ട്, എട്ടുമാസം ഗർഭിണായിയിരിക്കുന്ന സമയത്ത് എന്നോടു ചോദിച്ചു, ഈ റെഡ് കാർപറ്റ് ഒക്കെ ലൈവ് ആയി എപ്പോഴാണ് കാണാൻ പറ്റുകയെന്ന്. പെട്ടന്ന് ഞാൻ അവനോടു പറഞ്ഞു, ‘ഉടൻ തന്നെ ഉണ്ടാകും’. ഇപ്പോഴിതാ അത് സംഭവിച്ചിരിക്കുന്നു’.– അമല പറഞ്ഞു.
‘ലെവൽ ക്രോസ്’ സിനിമയ്ക്കാണ് അമലയ്ക്ക് പുരസ്കാരം.
