അമ്മയുടെ പ്രിയസുഹൃത്തും പ്രശസ്ത സാഹിത്യകാരൻ കേശവദേവിന്റെ ഭാര്യയുമായ സീതാലക്ഷ്മി കേശവദേവിനെ സന്ദർശിച്ച് മലയാളത്തിന്റെ പ്രിയതാരം മോഹൻലാൽ. മോഹൻലാലിനെ സംബന്ധിച്ച് സീതാലക്ഷ്മി കേശവദേവ് അമ്മയെപ്പോലെയാണ്. തിരുവനന്തപുരത്തെ വീട്ടിലെത്തുമ്പോഴെല്ലാം സീതാലക്ഷ്മിയമ്മയെ കാണാൻ മോഹൻലാൽ എത്താറുണ്ട്.
അമ്മയെ കാണാൻ മോഹൻലാൽ എത്തിയ ചിത്രങ്ങൾ ഷെയർ ചെയ്തിരിക്കുന്നത് കേശവദേവിന്റെ മകനും പ്രമേഹരോഗ വിദഗ്ധനുമായ ഡോക്ടർ ജ്യോതിദേവ് കേശവദേവാണ്.
‘പ്രിയപ്പെട്ട ലാലുചേട്ടൻ എന്റെ അമ്മയെ കാണാൻ എത്തിയപ്പോൾ… വിലമതിക്കാനാകാത്ത, പതിറ്റാണ്ടുകൾ പഴക്കമുള്ള ആത്മബന്ധം’ എന്നാണ് ചിത്രങ്ങൾക്കൊപ്പം ജ്യോതിദേവ് കുറിച്ചത്.
