ബോളിവുഡ് സൂപ്പര്‍താരം ഷാരൂഖ് ഖാനെ നായകനാക്കി സിദ്ധാർഥ് ആനന്ദ് സംവിധാനം ചെയ്യുന്ന ബിഗ് ബജറ്റ് ചിത്രം ‘പത്താനി’ലെ ആദ്യ ഗാനം പുറത്തിറങ്ങി. ദീപിക പദുക്കോണും ഷാരൂഖ് ഖാനും ആണ് ഗാനരംഗത്തിൽ പ്രത്യക്ഷപ്പെടുന്നത്. ത്രസിപ്പിക്കുന്ന ചുവടുകളുമായി തീ പടർത്തി അതീവ ഗ്ലാമറസ് ലുക്കിലാണ് ദീപിക.
ശിൽപ റാവു, കരാലിസ മൊണ്ടേരിയോ, വിശാൽ, ശേഖർ എന്നിവർ ചേർന്നാലപിച്ച ‘ബേഷറാം റാംഗ്’ എന്ന ഗാനം മണിക്കൂറിനകം രണ്ടു മില്യനിലധികം ആളുകളാണ് കണ്ടത്. യൂട്യൂബിൽ തരംഗമാവുകയാണ് ‘ബേഷറാം റാംഗ്’.
ഹൃതിക് റോഷന്റെ സൂപ്പർഹിറ്റ് ചിത്രം ‘വാറി’നു ശേഷം സിദ്ധാർഥ് സംവിധാനം ചെയ്യുന്ന ചിത്രമാണിത്. യാഷ് രാജ് ഫിലിംസ് ചിത്രം നിർമിക്കുന്നു. ജോൺ എബ്രഹാമും സിനിമയില്‍ മുഖ്യ വേഷത്തിലെത്തുന്നു. വിഡിയോ കാണാം..
