പച്ച പുല്ല് കൊണ്ട് മനോഹരമായ കൺപീലികള്‍ തീര്‍ത്ത് യുവതിയുടെ പുത്തന്‍ സൗന്ദര്യ പരീക്ഷണം. ബ്യൂട്ടി ബ്ലോഗറായ മെരിയാന മോൾച്ചോവയാണ് കൺപീലി പരീക്ഷണം ഇൻസ്റ്റഗ്രാമിലൂടെ പങ്കുവച്ചത്. ‘വീഗന്‍ ഐ ലാഷസ്’ എന്നാണ് വിഡിയോ പങ്കുവച്ചു കൊണ്ട് യുവതി കുറിച്ചത്.
പുല്ല് കണ്‍പോളയിൽ പശ കൊണ്ട് ഒട്ടിച്ച ശേഷം ഷേപ്പ് വരുത്തുന്നതും വിഡിയോയില്‍ കാണാം. ബാക്കിയുള്ള പുല്ല് പുരികത്തിലും ഒട്ടിച്ചു. വിഡിയോ പങ്കുവച്ച് നിമിഷങ്ങൾക്കകം വൈറലായി. രസകരമായ നിരവധി കമന്റുകളും എത്തി.
