ചെങ്ങന്നൂരിൽ ഭർത്താവ് ഭാര്യയെ കുത്തി കൊലപ്പെടുത്തി. ചെങ്ങന്നൂർ പെരളശ്ശേരി അജയ് ഭവനിൽ ശിവൻകുട്ടിയാണ് ഭാര്യ രാധയെ കുത്തി കൊലപ്പെടുത്തിയത്. പ്രതിയെ പൊലീസ് കസ്റ്റഡിയിലെടുത്തു. വൈകിട്ട് മൂന്നുമണിയോടെ ഇരുവരും തമ്മിൽ വീട്ടിൽവച്ച് കലഹമുണ്ടാവുകയായിരുന്നു. പിന്നാലെ അടുക്കളയിൽ നിന്ന് കറിക്കത്തിയുമായെത്തിയ ഭർത്താവ് ശിവൻകുട്ടി രാധയെ കുത്തി വീഴ്ത്തി. മക്കൾ ജോലിക്കുപോയ സമയത്താണ് സംഭവം.
ബഹളം കേട്ടെത്തിയ നാട്ടുകാർ രാധയെ അടുത്തുള്ള സ്വകാര്യ ആശുപത്രിയിലേക്ക് കൊണ്ടുപോയി. എന്നാൽ ഗുരുതരമായി പരുക്കേറ്റ രാധ വഴിമധ്യേ മരണപ്പെടുകയായിരുന്നു. സംഭവം അറിഞ്ഞെത്തിയ പൊലീസ് പ്രതി ശിവൻകുട്ടിയെ വീട്ടിൽ നിന്നും കസ്റ്റഡിയിലെടുത്തു. പ്രതി മദ്യലഹരിയിൽ ആയിരുന്നു എന്നാണ് സൂചന. മൃതദേഹം പോസ്റ്റ്മോർട്ടത്തിനായി മാറ്റി. ഇൻക്വസ്റ്റ് നടപടികൾ പൂർത്തിയായ ശേഷം പ്രതിയുടെ അറസ്റ്റ് രേഖപ്പെടുത്തും.
