ബട്ടർ കുക്കീസ്
1.വെണ്ണ – 100 ഗ്രാം
2.പഞ്ചസാര – കാൽ കപ്പ്
3..ഉപ്പ് – ഒരു നുള്ള്
4.മൈദ – മുക്കാൽ കപ്പ്
പാകം ചെയ്യുന്ന വിധം
∙ വെണ്ണ തണുപ്പു മാറ്റിയത് ഒരു പാത്രത്തിലെടുത്ത് നന്നായി തേച്ചു മയപ്പെടുത്തുക.
∙ഇതിൽ പഞ്ചസാര പൊടിച്ചതു ചേർത്തു നന്നായി യോജിപ്പിക്കുക. ഉപ്പു ചേർത്തു വീണ്ടും നന്നായി യോജിപ്പിക്കണം.പഞ്ചസാര മുഴുവൻ അലിയുന്നതാണ് പാകം.
∙ഇതിലേക്കു മൈദ അല്പാല്പം വീതം ചേർത്തു യോജിപ്പിക്കുക.
∙ചപ്പാത്തി മാവിനേക്കാൾ അല്പം മയത്തിൽ കുഴച്ചെടുത്ത് ഇഷ്ടമുള്ള ആകൃതിയിലാക്കി മയം പുരട്ടിയ ഒരു ട്രേയിൽ അകലമിട്ടു നിരത്തുക.
∙ഇത് ചൂടാക്കി ഇട്ടിരിക്കുന്ന ഒരു പാനിൽ വച്ച് ബേക്ക് ചെയ്യുക. ചൂടാറിയ ശേഷം വിളമ്പാം.
