മീൻ പൊടിമാസ്
1.മീൻ – അരക്കിലോ, മുള്ളില്ലാതെ
2.മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – അര ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
വാളൻപുളി – ഒരു കഷണം, വെള്ളത്തിൽ കുതിർത്തത്
ഉപ്പ് – പാകത്തിന്
3.എണ്ണ – രണ്ടു വലിയ സ്പൂൺ
4.ഇഞ്ചി, ചതച്ചത് – ഒരു ചെറിയ സ്പൂൺ
വെളുത്തുള്ളി ചതച്ചത് – ഒരു വലിയ സ്പൂൺ
കറിവേപ്പില – ഒരു തണ്ട്
5.സവാള – ഒന്ന്, പൊടിയായി അരിഞ്ഞത്
6.വറ്റൽമുളകു ചതച്ചത് – അര വലിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
വിനാഗിരി – ഒരു വലിയ സ്പൂൺ
ഉപ്പ് – പാകത്തിന്
പാകം ചെയ്യുന്ന വിധം
∙മീൻ കഴുകി വൃത്തിയാക്കി ചെറിയ കഷണങ്ങളാക്കി രണ്ടാമത്തെ ചേരുവ ചേർത്തു വേവിച്ച് ഉടച്ചു വയ്ക്കണം.
∙പാനിൽ എണ്ണ ചൂടാക്കി നാലാമത്തെ ചേരുവ വഴറ്റണം.
∙സവാളയും ചേർത്തു വഴറ്റി കണ്ണാടിപ്പരുവമാകുമ്പോൾ ഉടച്ചു വച്ചിരിക്കുന്ന മീൻ ചേർത്തു വഴറ്റണം.
∙ഇതിലേക്ക് ആറാമത്തെ ചേരുവയും ചേർത്തു വഴറ്റി വരട്ടി വാങ്ങുക.
