ഗ്രിൽഡ് ചെമ്മീൻ സാലഡ്
1.ചെമ്മീൻ – അഞ്ച്
2.ഉപ്പ്, കുരുമുളകുപൊടി, നാരങ്ങാനീര് – പാകത്തിന്
3.സവാള – ഒന്ന്
സാലഡ് വെള്ളരിക്ക – രണ്ടു ചെറുത്
തക്കാളി – രണ്ട്
പച്ചമുളക് – ഒന്ന്
ബേബികോൺ – നാല്
4.മല്ലിയില – ഒരു കെട്ട്, പൊടിയായി അരിഞ്ഞത്
ലെറ്റൂസ് – ഒന്ന്, ചെറുതായി കീറിയത്
5.എണ്ണ, നാരങ്ങനീര്, ഉപ്പ് – പാകത്തിന്
പാകം ചെയ്യുന്ന വിധം
ചെമ്മീൻ വൃത്തിയാക്കി രണ്ടാമത്തെ ചേരുവ പുരട്ടി അല്പസമയം വച്ച ശേഷം ചൂടായ തവയിലിട്ടു ചുട്ടെടുക്കുക.
മൂന്നാമത്തെ ചേരുവ ചെറിയ ചതുരക്കഷണങ്ങളാക്കി വയ്ക്കുക. ഇതിലേക്ക‌ു മല്ലിയിലയും ലെറ്റൂസും അഞ്ചാമത്തെ ചേരുവയും ചേർത്തു മെല്ലേ കുടഞ്ഞു യോജിപ്പിക്കുക.
തയാറാക്കിയ സാലഡ് വിളമ്പാനുള്ള പാത്രത്തിലാക്കി ചുട്ടെടുത്ത ചെമ്മീൻ വച്ച് അലങ്കരിച്ചു വിളമ്പുക.
