ചിക്കൻ പുലാവ്
1.നെയ്യ് – 100 ഗ്രാം
2.കറുവാപ്പട്ട – മൂന്നു കഷണം
ബേ ലീഫ് – അഞ്ച്
കറുത്ത ഏലയ്ക്ക – മൂന്ന്
തക്കോലം – രണ്ട്–മൂന്ന്
ഏലയ്ക്ക – അഞ്ച്
ജീരകം – രണ്ടു ചെറിയ സ്പൂൺ
ഗ്രാമ്പൂ – എട്ട്
3.സവാള, അരിഞ്ഞത് – അരക്കിലോ
4.ഇഞ്ചി–വെളുത്തുള്ളി പേസ്‌റ്റ് – രണ്ടു വലിയ സ്പൂൺ
പച്ചമുളക് – രണ്ട്
5.ജീരകംപൊടി – അര ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ബിരിയാണി മസാല – രണ്ടു ചെറിയ സ്പൂൺ
ഉപ്പ് – പാകത്തിന്
6.തൈര് – 250 ഗ്രാം
7.ചിക്കൻ – അരക്കിലോ
8.വെള്ളം – മൂന്നു കപ്പ്
9.ബസ്മതി അരി, കുതിർത്തത് – രണ്ടു കപ്പ്
പാകം ചെയ്യുന്ന വിധം
∙ബിരിയാണി പോട്ടിൽ നെയ്യ് ചൂടാക്കി രണ്ടാമത്തെ ചേരുവ മൂപ്പിക്കുക.
∙പച്ചമണം മാറുമ്പോൾ സവാള ചേർത്തു വഴറ്റുക.
∙ഇതിലേക്കു നാലാമത്തെ ചേരുവ ചേർത്തു വഴറ്റണം.
∙സവാള ഗോൾഡൻബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തു വഴറ്റണം.
∙ഇതിലേക്കു തൈരു ചേർത്തിളക്കുക.
∙എണ്ണ തെളിയുമ്പോൾ ചിക്കൻ ചേർത്തിളക്കി വെള്ളം ചേർത്തു തിളപ്പിക്കണം.
∙ഇതിലേക്കു കുതിർത്ത അരി ചേർത്തിളക്കി മൂടിവച്ചു 20 മിനിറ്റ് വേവിക്കുക.
∙ചൂടോടെ വിളമ്പാം.
