കൂന്തൽ റോസ്‌റ്റ്
1.കൂന്തൽ – 400 ഗ്രാം
2.ഉപ്പ് – പാകത്തിന്
മഞ്ഞള്‍പ്പൊടി – അര ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
3.വെളിച്ചെണ്ണ – രണ്ടു വലിയ സ്പൂൺ
4.കടുക് – കാൽ ചെറിയ സ്പൂൺ
ഉലുവ – അര ചെറിയ സ്പൂൺ
പെരുംജീരകം – ഒരു ചെറിയ സ്പൂൺ
5.ഇഞ്ചി, ചതച്ചത് – ഒരു വലിയ സ്പൂൺ
വെളുത്തുള്ളി ചതച്ചത് – ഒരു വലിയ സ്പൂൺ
കറിവേപ്പില – രണ്ടു തണ്ട്
6.സവാള – ഒന്നിന്റെ പകുതി, പൊടിയായി അരിഞ്ഞത്
7.മുളകുപൊടി – അര വലിയ സ്പൂൺ
കശ്മീരി മുളകുപൊടി – ഒന്നര വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
8.വെള്ളം – കാല്‍ കപ്പ്
9.തക്കാളി – ഒന്ന്, അരിഞ്ഞത്
10.കറിവേപ്പില – ഒരു തണ്ട്
പാകം ചെയ്യുന്ന വിധം
∙കൂന്തല്‍ വൃത്തിയാക്കി രണ്ടാമത്തെ ചേരുവ ചേർത്തു പത്തു മിനിറ്റു വയ്ക്കുക.
∙പാനിൽ എണ്ണ ചൂടാക്കി നാലാമത്തെ ചേരുവ മൂപ്പിക്കണം.
∙ഇതിലേക്ക് അഞ്ചാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ സവാള ചേർത്തു വഴറ്റണം.
∙സവാള കണ്ണാടിപ്പരുവമാകുമ്പോൾ ഏഴാമത്തെ ചേരുവ ചേർത്തു വഴറ്റുക.
∙പച്ചമണം മാറുമ്പോൾ തക്കാളി ചേർത്തു വഴറ്റി വെള്ളം ഒഴിച്ചു വേവിക്കുക.
∙എണ്ണ തെളിഞ്ഞു വരുമ്പോൾ കൂന്തൽ ചേർത്തിളക്കി മൂടി വച്ചു വേവിക്കണം.
∙വെന്തു വരുമ്പോൾ ഉപ്പു പാകത്തിനാക്കി അൽപം കറിവേപ്പില കൂടി ചേർത്തു വാങ്ങാം.
