ബീഫ് വിന്താലു
1.ബീഫ് – ഒരു കിലോ
2.കടുക് – ഒരു വലിയ സ്പൂൺ
ജീരകം – ഒരു നുള്ള്
ഇഞ്ചി – ഒരു വലിയ കഷണം
വെളുത്തുള്ളി – ഏഴ് അല്ലി
കശ്മീരി മുളകുപൊടി – നാലു വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
വിനാഗിരി – കാൽ കപ്പ്
3.വെളിച്ചെണ്ണ – രണ്ടു വലിയ സ്പൂൺ
4.പച്ചമുളക് – നാല്
മുരിങ്ങ തൊലി – ഒരു ചെറിയ കഷണം
ഇഞ്ചി – ഒരു ചെറിയ കഷണം, ചതച്ചത്
കറിവേപ്പില – രണ്ടു തണ്ട്
5.ചുവന്നുള്ളി – കാൽ കിലോ, പൊടിയായി അരിഞ്ഞത്
6.ഗരംമസാല പൊടി – ഒരു ചെറിയ സ്പൂൺ
7.ഉപ്പ് – പാകത്തിന്
പഞ്ചസാര – ഒന്നര ചെറിയ സ്പൂൺ
പാകം ചെയ്യുന്ന വിധം
∙ബീഫ് കഴുകി വൃത്തിയാക്കി കഷണങ്ങളാക്കി വയ്ക്കുക.
∙രണ്ടാമത്തെ ചേരുവ മയത്തിൽ അരച്ചു വയ്ക്കണം.
∙പ്രഷർ കുക്കറിൽ വെളിച്ചെണ്ണ ചൂടാക്കി നാലാമത്തെ ചേരുവ വഴറ്റുക.
∙ചുവന്നുള്ളി ചേർത്തു വഴറ്റി കണ്ണാടിപ്പരുവമാകുമ്പോൾ ഗരംമസാല പൊടി ചേർക്കണം.
∙തയാറാക്കിയ മസാല ചേർത്തു വഴറ്റി പച്ചമണം മാറുമ്പോൾ ഏഴാമത്തെ ചേരുവയും ബീഫ് കഷണങ്ങളും ചേർത്തു മൂടിവച്ചു വേവിക്കുക.
∙കറിവേപ്പിലയും ചേർത്തിളക്കി വാങ്ങാം.
