ബീറ്റ്റൂട്ട് പൊരിയൽ
1.ബീറ്റ്റൂട്ട് – ഒന്ന്
2.വെളിച്ചെണ്ണ – ഒരു വലിയ സ്പൂൺ
3.കടുക് – ഒരു ചെറിയ സ്പൂൺ
ഉഴുന്നു പരിപ്പ് – ഒരു ചെറിയ സ്പൂൺ
കടലപ്പരിപ്പ് – ഒരു ചെറിയ സ്പൂൺ
കറിവേപ്പില – ഒരു തണ്ട്
4.ഉപ്പ് – പാകത്തിന്
തേങ്ങ ചുരണ്ടിയത് – രണ്ടു വലിയ സ്പൂൺ
പാകം ചെയ്യുന്ന വിധം
∙ബീറ്റ്റൂട്ട് തൊലി കളഞ്ഞു ചെറിയ ചതുരക്കഷണങ്ങളാക്കി വയ്ക്കണം.
∙പാനിൽ വെളിച്ചെണ്ണ ചൂടാക്കി മൂന്നാമത്തെ ചേരുവ മൂപ്പിക്കുക.
∙ഇതിലേക്കു ബീറ്റ്റൂട്ട് ചേർത്തിളക്കി മൂടിവച്ചു വേവിക്കണം.
∙വെന്തു വരുമ്പോൾ നാലാമത്തെ ചേരുവ ചേർത്തിളക്കി വാങ്ങാം.
