കോളിഫ്ളവർ മപ്പാസ്
1.കോളിഫ്ളവർ – ഒരു ചെറുത്
2.വെളിച്ചെണ്ണ – രണ്ടു വലിയ സ്പൂൺ
3.കടുക് – അര ചെറിയ സ്പൂൺ
4.സവാള – ഒന്ന്, കനം കുറച്ചരിഞ്ഞത്
വെളുത്തുള്ളി, അരിഞ്ഞത് – അര ചെറിയ സ്പൂൺ
ഇഞ്ചി, അരിഞ്ഞത് – ഒരു ചെറിയ സ്പൂൺ
പച്ചമുളക് – രണ്ട്, അരിഞ്ഞത്
കറിവേപ്പില – രണ്ടു തണ്ട്
5.മല്ലിപ്പൊടി – രണ്ടു ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
ഉപ്പ് – പാകത്തിന്
6.തക്കാളി – ഒരു ചെറുത്, അരിഞ്ഞത്
7.തേങ്ങ ചുരണ്ടിപ്പിഴിഞ്ഞെടുത്ത
ഒന്നാം പാൽ – കാൽ കപ്പ്
രണ്ടാം പാൽ – ഒരു കപ്പ്
8.വിനാഗിരി – ഒരു ചെറിയ സ്പൂൺ
മല്ലിയില അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙കോളിഫ്ളവർ വൃത്തിയാക്കി പൂക്കളായി അടർത്തി, നന്നായി കഴുകിയ ശേഷം വെള്ളത്തിൽ ഇട്ടു വയ്ക്കുക. 10 മിനിറ്റിനു ശേഷം ഊറ്റി വയ്ക്കണം.
∙എണ്ണ ചൂടാക്കി കടുകു പൊട്ടിച്ച ശേഷം നാലാമത്തെ ചേരുവ ചേർത്തു നന്നായി വഴറ്റുക.
∙ഗോൾഡൻ ബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തു വഴറ്റുക.
∙മസാല മൂത്തു വരുമ്പോൾ കോളിഫ്‌ളവറും തക്കാളിയും ചേർത്തു മൂന്നു മിനിറ്റ് വഴറ്റുക.
∙ഇതിലേക്കു രണ്ടാംപാൽ ചേർത്തിളക്കി കോളിഫ്ളവർ വേവിക്കുക.
∙ഇതിലേക്ക് ഒന്നാം പാലും വിനാഗിരിയും മല്ലിയിലയും ചേർത്തു തിള വന്നു തുടങ്ങുമ്പോൾ വാങ്ങി ചൂടോടെ വിളമ്പാം.
