ചീസ് നാൻ
1.മൈദ – രണ്ടു കപ്പ്
2.ഉപ്പ് – പാകത്തിന്
ബേക്കിങ് പൗഡർ – ഒരു ചെറിയ സ്പൂൺ
ബേക്കിങ് സോഡ – അര ചെറിയ സ്പൂൺ
പഞ്ചസാര – ഒരു വലിയ സ്പൂൺ
3.തൈര് – അരക്കപ്പ്
എണ്ണ – ഒരു വലിയ സ്പൂൺ
4.മൊസറെല്ല ചീസ് – ഒരു കപ്പ്, ഗ്രേറ്റ് ചെയ്തത്
മല്ലിയില – കാൽ കപ്പ്, ചെറുതായി അരിഞ്ഞത്
5.എള്ള് – പാകത്തിന്
പാകം ചെയ്യുന്ന വിധം
∙മൈദയിലേക്കു രണ്ടാമത്തെ ചേരുവ ചേർത്തു നന്നായി യോജിപ്പിക്കുക.
∙ഇതിലേക്ക് തൈരും എണ്ണയും ചേർത്തു കുഴയ്ക്കുക. ഇതിലേക്ക് ആവശ്യത്തിന് വെള്ളം ചേർത്ത് ചപ്പാത്തിമാവ് പരുവത്തിൽ കുഴച്ചെടുക്കുക.
∙ചീസും മല്ലിയിലയും യോജിപ്പിച്ചു വയ്ക്കുക.
∙തയാറാക്കിയ മാവ് ചെറിയ ഉരുളകളാക്കി പരത്തി അല്പം ചീസ് മിശ്രിതം വച്ച് വീണ്ടും ഉരുട്ടി നനവുള്ള തുണികൊണ്ടു മൂടി അഞ്ചു മിനിറ്റു വയ്ക്കണം.
∙ഇനി ഓരോ ഉരുളയും എടുത്ത് പരത്തി മുകളിൽ എള്ളു വിതറി തവയിൽ ചുട്ടെടുക്കാം.
∙മുകളിൽ വെണ്ണ പുരട്ടി ചൂടോടെ വിളമ്പാം.
