ചിക്കൻ ടിക്ക മസാല
1.ചിക്കൻ – അരക്കിലോ
2.ഉപ്പ് – പാകത്തിന്
നാരങ്ങാനീര് – രണ്ടു ചെറിയ സ്പൂൺ
കട്ടത്തൈര് – നാലു വലിയ സ്പൂൺ
ഇഞ്ചി–വെളുത്തുള്ളി പേസ്റ്റ് – രണ്ടു ചെറിയ സ്പൂൺ
കശ്മീരി മുളകുപൊടി – നാലു ചെറിയ സ്പൂൺ
ഗരംമസാലപൊടി – അര ചെറിയ സ്പൂൺ
എണ്ണ – രണ്ടു വലിയ സ്പൂൺ
3.എണ്ണ – മൂന്നു വലിയ സ്പൂൺ
4.സവാള – രണ്ട്, പൊടിയായി അരിഞ്ഞത്
5.ഇഞ്ചി–വെളുത്തുള്ളി പേസ്റ്റ് – രണ്ടു ചെറിയ സ്പൂൺ
6.തക്കാളി അരച്ചത് – ഒരു കപ്പ്
7.മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
ജീരകംപൊടി – അര ചെറിയ സ്പൂൺ
ഗരംമസാലപൊടി – അര ചെറിയ സ്പൂൺ
8.ഫ്രെഷ് ക്രീം – ആറു വലിയ സ്പൂൺ
കസൂരി മേത്തി – ഒരു വലിയ സ്പൂൺ
പാകം ചെയ്യുന്ന വിധം
∙ചിക്കൻ ചെറിയ കഷണങ്ങളാക്കി മുറിച്ചു രണ്ടാമത്തെ ചേരുവ ചേർത്തു യോജിപ്പിച്ച് ഒരു മണിക്കൂർ വയ്ക്കുക.
∙പാനിൽ ഒരു വലിയ സ്പൂൺ എണ്ണ ചൂടാക്കി ചിക്കൻ കഷണങ്ങൾ വറുത്തു കോരി മാറ്റി വയ്ക്കണം.
∙ഇതേ പാനിൽ ബാക്കി എണ്ണ ചൂടാക്കി സവാള വഴറ്റുക.
∙സവാള ഗോൾഡൻ ബ്രൗൺ നിറമാകുമ്പോൾ ഇഞ്ചി–വെളുത്തുള്ളി പേസ്റ്റ് ചേർത്തു വഴറ്റണം.
∙പച്ചമണം മാറുമ്പോൾ തക്കാളി അരച്ചതും ചേർത്തു വഴറ്റി എണ്ണ തെളിയുമ്പോൾ പൊടികള് ചേർത്തു മൂപ്പിക്കണം.
∙വറുത്തു വച്ചിരിക്കുന്ന ചിക്കന് ചേർത്തിളക്കി പാകത്തിനു വെള്ളവും ഉപ്പും ചേർത്തു മൂടി വച്ചു വേവിക്കുക.
∙കുറുകി വരുമ്പോൾ എട്ടാമത്തെ ചേരുവ ചേർത്തിളക്കി വാങ്ങാം.