ചില്ലി ചീസ് പനീർ
1.വെണ്ണ – രണ്ടു വലിയ സ്പൂൺ
2.പനീര്‍ – 100 ഗ്രാം, ചതുരക്കഷണങ്ങളാക്കിയത്
3.വെളുത്തുള്ളി, പൊടിയായി അരിഞ്ഞത് – ഒരു വലിയ സ്പൂൺ
4.സവാള – ഒരു ചെറുത്, ചതുരക്കഷണങ്ങളാക്കിയത്
കാപ്സിക്കം – ഒരു ചെറുത്, ചതുരക്കഷണങ്ങളാക്കിയത്
പച്ചമുളക് – മൂന്ന്
5.പാൽ – ഒരു കപ്പ്
6.ക്രീം – രണ്ടു വലിയ സ്പൂൺ
ചീസ് – രണ്ടു വലിയ സ്പൂൺ
7.ഉപ്പ് – പാകത്തിന്
കുരുമുളകുപൊടി – ഒരു ചെറിയ സ്പൂൺ
ഒറീഗാനോ – അര ചെറിയ സ്പൂൺ
വറ്റൽമുളകു ചതച്ചത് – അര ചെറിയ സ്പൂൺ
പാകം ചെയ്യുന്ന വിധം
∙പാനിൽ ഒരു വലിയ സ്പൂൺ വെണ്ണ ചൂടാക്കി പനീർ വറുത്തു മാറ്റി വയ്ക്കുക.
∙ഇതേ പാനിൽ ബാക്കി വെണ്ണ കൂടി ചേര്‍ത്തു ചൂടാകുമ്പോൾ വെളുത്തുള്ളി വഴറ്റണം.
∙നാലാമത്തെ ചേരുവ ചേർത്തു വഴറ്റി സവാള കണ്ണാടിപ്പരുവമാകുമ്പോൾ പാൽ ചേർക്കുക.
∙തിളച്ചു തുടങ്ങുമ്പോൾ ആറാമത്തെ ചേരുവ ചേർക്കണം.
∙ഏഴാമത്ത ചേരുവയും ചേർത്തു കുറുകി വരുമ്പോൾ വറുത്തു വച്ചിരിക്കുന്ന പനീറും ചേർത്തിളക്കി വാങ്ങാം.
