1. തേങ്ങ ചുരണ്ടിയത് – ഒരു കപ്പ്
ജീരകം – കാൽ ചെറിയ സ്പൂൺ
ഉലുവ – ഒരു നുള്ള്
ചുവന്നുള്ളി – മൂന്ന്
വെളുത്തുള്ളി – മൂന്ന് അല്ലി
മഞ്ഞള്‍പ്പൊടി – പാകത്തിന്
വറ്റല്‍മുളക് – രണ്ട്
2. വെളിച്ചെണ്ണ – മൂന്നു ചെറിയ സ്പൂൺ
3. കടുക് – അര ചെറിയ സ്പൂൺ
വറ്റൽമുളക് – രണ്ട്
ചുവന്നുള്ളി – മൂന്ന്, അരിഞ്ഞത്
കറിവേപ്പില – ഒരു തണ്ട്
4. മുരിങ്ങയില തണ്ടു കളഞ്ഞത് – ഒരു കപ്പ്
5. ഉപ്പ് – പാകത്തിന്
6. കട്ടത്തൈര് – ഒരു കപ്പ്
പാകം ചെയ്യുന്ന വിധം
∙ ഒന്നാമത്തെ ചേരുവ മയത്തിൽ അരച്ചു വയ്ക്കണം.
∙ പാനിൽ എണ്ണ ചൂടാക്കി മൂന്നാമത്തെ ചേരുവ താളിക്കുക. ഇതിലേക്കു മുരിങ്ങയില ചേർത്തു വഴറ്റണം. അധികം മൂത്തുപോകരുത്.
∙ ഇതിലേക്ക് അരപ്പ് ഒരു കപ്പു വെള്ളത്തിൽ കലക്കി ഒഴിക്കുക.
∙ പാകത്തിനുപ്പും ചേർത്തു തുടരെയിളക്കി കൊടുക്കണം.
∙ ചെറുതീയിലാക്കി തൈര് നന്നായി അടിച്ചതു ചേര്‍ത്ത് അഞ്ചു മിനിറ്റ് ഇളക്കി വാങ്ങാം.
